नवी दिल्ली: दादरा नगर हवेली (Dadra and Nagar Haveli LS bypoll) या केंद्रशासित प्रदेशात लोकसभेची पोटनिवडणूक होत आहे. मोहन डेलकर (Mohan delkar) यांच्या मृत्यूमुळे इथे निवडणूक होत आहे. दादरा नगर हवेली या लोकसभा मतदारसंघात शिवसेना (Shivsena) आणि भाजपामध्ये (Bjp) मुख्य लढत आहे. इथून शिवसेनेने मोहन डेलकर यांच्या पत्नी कालाबेन डेलकर यांना तिकिट दिलं आहे. त्यांची मुख्य लढत भाजपाच्या महेश गावित आणि काँग्रेसच्या महेश दोढी यांच्याबरोबर आहेत.

मतमोजणीचा तासाभराचा जो कल आहे, त्यानुसार कालाबेन ४ हजार मतांनी आघाडीवर आहेत. त्यांना १२ हजार २६८ मत मिळाली आहेत, तर गावित यांना ७,४१८ मत मिळाली आहेत. काँग्रेसच्या दोढी यांना फक्त ४४७ मत मिळाली आहेत. अपक्ष खासदार मोहन डेलकर यांनी आत्महत्या करुन जीवन संपवलं. त्यामुळे पोटनिवडणूक होत आहे.