Delhi ED Raid : दिल्लीत मनी लॉन्ड्रिंग प्रकरणात आज (६ फेब्रुवारी) १२ हून अधिक ठिकाणी ईडीकडून छापेमारी केली जात आहे. मिळालेल्या माहितीनुसार आपचे राज्यसभा खासदार एनडी गुप्ता यांच्या घरू देखील ईडीकडून छापेमारी करण्यात आली आहे.

सध्या दिल्लीचे मुख्यमंत्री अरविंद केजरीवाल यांचे खासगी सचिव विभव कुमार यांच्या घरी देखील तपास सुरु आहे, याशिवाय दिल्ली जल बोर्डाचे माजी मेंबर शलभ यांच्या निवासस्थानी देखील छापे टाकले जात आहेत. दिल्ली सरकारमधील मंत्री आतिशी यांच्या पत्रकार परिषदेपूर्वी ही छापेमारी केली जात आहेत.

सूत्रांनी दिलेल्या माहितीनुसार दिल्लीतील आम आदमी पक्षाशी संबंधीत नेत्यांच्या घरी ही छापेमारी मनी लॉड्रिंग प्रकरणात केली जात आहे. मात्र अद्यार नेमक्या कोणत्या मनी लॉड्रिंगच्या प्रकरणात ही कारवाई होत आहे हे स्पष्ट करण्यात आलेले नाहीयेत.