दिल्लीमधल्या दुर्घटनेनंतर मतदार रेल्वे द्वारे छत्रपती शिवाजी महाराज टर्मिनल लोकमान्य टिळक टर्मिनल दादर पुणे नागपूर अशा स्थानकांचा समावेश होतो या सर्व स्थानकावर ती आरपीएफ आणि जीआरपी यांच्या मार्फत गस्त घातली जाते ती वाढवली गेली आहे

तैनात करण्यात आले आहेत येणाऱ्या प्रवाशांची देखील काळजीपूर्वक चौकशी आणि तपासणी केली जात आहे

आपल्याला जर आसपास जर कोणती वस्तू किंवा संसद व्यक्ती दिसल्यास त्याची माहिती प्रशासनाला द्यावी त्याच्या माध्यमातून आपण परिसर सुरक्षित करू शकतो

कुठलाही अफवांवर विश्वास ठेवू नका, असं आवाहन रेल्वेकडून करण्यात आलं आहे.

दिल्लीच्या लाल किल्ल्याजवळील सुभाष मार्ग ट्रॅफिक सिग्नल परिसरात एका कारमध्ये झालेल्या स्फोटात झालेली जीवितहानी अतीव दुःखद आहे. मृत्युमुखी पडलेल्या निष्पाप नागरिकांना भावपूर्ण श्रद्धांजली अर्पित करतो व ज्यांनी आपल्या प्रियजनांना गमावले त्यांच्याप्रती सहवेदना व्यक्त करतो. तसंच, जखमी नागरिकांच्या प्रकृतीत लवकर सुधारणा व्हावी अशी प्रार्थना करतो. लाल किल्ल्यासारख्या संवेदनशील परिसरात घडलेली ही दुर्दैवी घटना फार चिंताजनक आहे. माझी देशाचे पंतप्रधान व गृहमंत्र्यांना विनंती आहे कि, सदर घटनेबाबत सखोल चौकशी करावी. त्यायोगे येणारा चौकशी अहवाल देशासमोर ठेवून अशा दुर्घटना रोखण्यासाठी केंद्र व राज्य सरकारच्या यंत्रणा सुरक्षेच्या दृष्टीने ठोस पावलं उचलतील अशी अपेक्षा व्यक्त करतो.

दिल्ली स्फोटाचा तपास दहशतवादी हल्ला म्हणून केला जातो आहे. एआयएने त्यादृष्टीने कारवाई सुरु केली आहे. या हल्ल्यात आतापर्यंत १३ जणांचा मृत्यू झाला असून २० जण जखमी आहेत. तसेच दिल्ली पोलीस, एनआयएन आणि फॉरेन्सिक टीम रात्रीपासून घटनास्थळी असून पाहणी करत आहेत. यादरम्यान, त्यांना जिवंत काडतूस आढळलं आहे. त्यामुळे ठिकाणी गोळी करण्याचा प्लॅन होता का? असा प्रश्नही आता उपस्थित होतो आहे.

दिल्ली स्फोटाचं पुलवामा कनेक्शन समोर आल्यानंतर दिल्ली पोलिसांची एक टीम पुलवामात दाखल झाली आहे. 

केंद्रीय मंत्री नितीन गडकरी यांनी दिल्लीत लाल किल्ल्याजवळ झालेल्या स्फोटाबाबत प्रतिक्रिया दिली. ते म्हणाले, “ही अत्यंत दुर्दैवी घटना आहे. सरकारने याची गंभीर दखल घेतली असून दोषींवर कठोर कारवाई केली जाईल. दहशतवादाला पाठिंबा देणाऱ्यांना या देशात स्थान नाही. या स्फोटात मृत्यू झालेल्यांना मी श्रद्धांजली अर्पण करतो.”

दिल्लीतील कार स्फोटानंतरचे दृश्य अत्यंत हृदयद्रावक आहेत. या घटनेत मृत्युमुखी पडलेल्यांच्या कुटुंबीयांप्रती संवेदना व्यक्त करतो. जखमींना लवकर बरे होण्यासाठी प्रार्थना करतो.

जम्मू आणि काश्मीर पोलिसांच्या सूत्रांनुसार, अमीर आणि उमर या दोन भावांना पुलवामा येथून ताब्यात घेऊन श्रीनगरला आणण्यात आले आहे. 

कारपासून पार्किंगच्या संपूर्ण परिसर मेटल डिटेक्टरने सामान्यांची तपासणी केली जात आहे. डॉग्सस्कॉडकडून सामानाची प्रवाशांचे तपासणी केली जातेय. रेल्वेगाड्यातही तपासणी केली जात आहे. लोहमार्ग पोलिसांनी 30 अतिरिक्त पोलीस कर्मचाऱ्यांच्या बंदोबस्त लावला असून दोन बीडीएस कोड असे एकूण 45 जवानांच्या बंदोबस्त रात्रीपासून लावला आहे. विमानतळ परिसरातही तपासणी केली जात आहे.

दिल्लीच्या मुख्यमंत्री रेखा गुप्ता यांनी स्फोटातील जखमींनीची रूग्णालयात जाऊन भेट घेतली. तसेच, घटनास्थळी पोहचून अधिकाऱ्यांकडून माहिती घेत पाहणी देखील केली. ''लाल किल्ल्याजवळील कार बॉम्बस्फोट अत्यंत वेदनादायक आणि चिंताजनक आहे. या दुःखद घटनेत ज्यांनी आपल्या प्रियजनांना गमावले त्यांच्याप्रती मी माझ्या मनापासून संवेदना व्यक्त करते आणि जखमींच्या लवकर पुनर्प्राप्तीसाठी मी प्रार्थना करते. तसेच, बाधितांना सर्वतोपरी मदत केली जात आहे. दिल्ली पोलिस, एनएसजी, एनआयए आणि एफएसएल यांच्या पथके संयुक्तपणे संपूर्ण घटनेचा तपास करत आहेत. सर्व दिल्लीवासीयांना विनंती आहे की त्यांनी अफवा टाळाव्यात आणि शांतता राखावी. कृपया पोलिस आणि प्रशासनाने जाहीर केलेल्या अधिकृत माहितीवरच अवलंबून राहावे. असे आवाहनही रेखा गुप्ता यांनी केले आहे.

दिल्लीच्या लाल किल्ल्याजवळ झालेला स्फोट हृदयद्रावक आहे. या दुःखद घटनेतील मृतांना मी श्रद्धांजली वाहतो. शोकाकुल कुटुंबांसोबत माझ्या संवेदना आणि प्रार्थना आहेत. मृतांच्या आत्म्यांना शांती मिळावी आणि जखमींनी लवकर बरे व्हावे अशी मी प्रार्थना करतो. अशा शब्दांत मुख्यमंत्री फडणवीसांनी शोक व्यक्त केला आहे.

नागपूरमधील अजनी रेल्वेस्थानकावर हायअलर्ट जारी केला गेला आहे. कारपासून पार्किंगच्या संपूर्ण परिसर मेटल डिटेक्टरने सामानांची तपासणी, डॉग्सस्कॉड कडून सामानासही प्रवाशांची आणि रेल्वेगाड्यातही तपासणी केली जात आहे. लोहमार्ग पोलिसांनी 30 अतिरिक्त पोलीस कर्मचाऱ्यांच्या बंदोबस्त लावला असून दोन बीडीएस कोड असे एकूण 45 जवानांच्या बंदोबस्त रात्रीपासून लावला आहे. येणाऱ्या जाणाऱ्या गाड्यांवर आणि संवेदशील व्यक्तींवर नजर ठेवली जात आहे.

संरक्षणमंत्री राजनाथ सिंह यांनी ट्विट करून म्हटले की, "दिल्लीतील कार स्फोटाची घटना अत्यंत वेदनादायक आणि अस्वस्थ करणारी आहे. या प्रचंड दुःखाच्या क्षणी, मी मृतांच्या कुटुंबियांप्रतीा मनापासून संवेदना व्यक्त करतो. जखमींच्या लवकर पुनर्प्राप्तीसाठी प्रार्थना करतो."

आज संध्याकाळी दिल्लीत झालेल्या स्फोटात ज्यांनी आपल्या प्रियजनांना गमावले आहे त्यांच्याप्रती संवेदना. जखमी लवकरात लवकर बरे व्हावेत अशी प्रार्थना. बाधितांना अधिकाऱ्यांकडून मदत केली जात आहे. गृहमंत्री अमित शहा यांच्यासह इतर अधिकाऱ्यांसोबत परिस्थितीचा आढावा घेतला आहे. असं मोदींनी म्हटलंय.

गृहमंत्री अमित शहा यांनी लाल किल्ला परिसरात स्फोट झालेल्या ठिकाणी दाखल होत, परिसराची पाहणी केली . यानंतर ते रूग्णालयात जखमींची भेट घेण्यासाठी देखील गेले.

गृहमंत्री अमित शहा थोड्यावेळात स्फोट घडला त्या ठिकाणी जाणार आहेत. शिवाय, रूग्णालयात जाऊन जखमींचीही भेट घेणार आहेत.

दिल्लीत लाल किल्ला परिसरात झालेल्या या स्फोटातील मृतांचा आकडा वाढला आहे. सध्या प्राप्त माहितीनुसार १३ जणांचा मृत्यू झालेला आहे.

हरियाणाच्या फरीदाबाद येथून ३६० किलो संभाव्य अमोनियम नायट्रेट जप्त झाल्यानंतर, मुख्यमंत्री देवेंद्र फडणवीस यांनी आज दुपारी वर्षा येथे सर्व वरिष्ठ पोलिस अधिकाऱ्यांची बैठक घेतली आणि एकूण सुरक्षा परिस्थितीचा आढावा घेतला. आता, दिल्लीतील घटनेनंतर, त्यांनी पुन्हा एकदा पोलिसांना सतर्क राहण्याचे निर्देश दिले आहेत. सर्व एजन्सींना सतर्क राहण्याचे निर्देश देण्यात आले आहेत.

राजधानी दिल्लीतील हा स्फोट दहशतवादी हल्ला असल्याची माहिती सूत्रांच्या हवाल्याने पोलिसांकडून समोर येत आहे.

दिल्लीतील स्फोटाचा परिणाम आता हवाई वाहतूकीवर झालेल आहे. दिल्ली, राजस्थानकडे जाणारी विमाने काही विमाने रद्द केली आहेत तरी काहीची वेळ बदलली आहे.

या स्फोटात दहा जणांचा मृत्यू झाला असून, ३० पेक्षा अधिकजण जखमी झाले आहेत. याशिवाय दोन संशयितांना पोलिसांना ताब्यात घेतलं आहे. मृतांचा आकडा वाढण्याची भीती व्यक्त केली जात आहे.

दिल्ली स्फोट प्रकरणी एका संशयिताला पोलिसांनी ताब्यात घेतलं असल्याची माहितीही समोर येत आहे. याप्रकरणी सुरक्षा यंत्रणा कसून तपास करत आहेत.

लाल किल्ला परिसरातील स्फोटानंतर दिल्ली, मुंबई या दोन प्रमुख शहारांपाठोपाठ पुण्यातही अलर्ट जारी करण्यात आला आहे. पुणे पोलिस अलर्टवर असून, पुण्यातील सर्व महत्त्वाच्या स्थळांवर पोलिस बंदोबस्त तैनात करण्यात आला आहे. शिवाय, पुणे शहरातील ठिकठिकाणी नाकाबंदी करण्यात आलेली आहे.

गृहमंत्री अमित शहा यांनी पंतप्रधान मोदींना फोन करून स्फोटाबाबत माहिती दिली आहे. याशिवाय स्फोटाच्या चौकशीचे एनआयएला आदेशही दिले गेले आहेत.

आज संध्याकाळी ६.५२ मिनिटांनी गाडीत स्फोट झाला. यावेळी एका गाडीत स्फोट झाला. यावेळी गाडीत प्रवासीही होते. त्यानंतर इतर गाड्यांनी आग लागली. घटनेची माहिती मिळताच प्रशासन घटनास्थळी दाखल झालं आहे.स्फोटाचं कारण काय याचा शोध घेतला जातो आहे. आम्ही परिस्थितीवर नियंत्रण ठेऊन आहोत, अशी माहिती दिल्ली पोलिसांनी मीडियाला दिली आहे.

दिल्ली स्फोटानंतर गृहमंत्री अमित शहा यांनी तातडीने बैठक बोलावत आयबी प्रमुखांकडून घटनेबाबत सविस्तर माहिती घेतली आहे. सध्या हाती आलेल्या अपडेटनुसार या स्फोटात आठ जणांचा मृत्यू आणि २४ जण जखमी झाले आहेत.

दिल्लीत लाल किल्ला सारख्या पर्यटकांनी गजबलेल्या ठिकाणी बॉम्बस्फोट घडल्यानंतर, मुंबईतील सीएसएमटी स्थानकावर पोलिसांनी सुरक्षा वाढवली असून, कडेकोट बंदोबस्त तैनात करण्यात आला आहे.

दिल्लीत लाल किल्ला परिसरातील स्फोटाच्या घटनेनंतर गृहमंत्रालयाने तातडीने बैठक बोलावली आहे. तर दिल्ली पोलिस सध्या तरी मीडियाला कोणतीही माहिती देत नसल्याचे समोर येत आहे.

स्फोटानंतर तातडीने घटनास्थळी फॉरेन्सिक आणि एनआयए टीम दाखल झाल्या आहेत. याशिवाय, दहा रुग्णवाहिका देखील झालेल्या आहेत.

लाल किल्ला परिसरात स्फोट झाल्यानंतर राजधानी दिल्ली हादरली आहे. सुरक्षा यंत्रणांची धावपळ सुरू झाली असून, दिल्ली आणि मुंबईतही हायअलर्ट जारी करण्यात आला आहे.

आतापर्यंत हाती आलेल्या माहितीनुसार दिल्लीतील या भीषण स्फोटात आठ जणांचा मृत्यू झालेल आहे. याशिवाय, अनेकजण जखमी झाले असून, मृतांचा आकडा वाढण्याची भीती व्यक्त करण्यात आली आहे.

Breaking News: Explosion Rocks Delhi’s Red Fort Area: राजधानी दिल्ली आज सायंकाळी स्फोटाने हादरली. लाल किल्ला परिसरात एक भीषण स्फोट झाला आहे. या स्फोटात आतापर्यंत प्राप्त माहितीनुसार आठ जणांचा मृत्यू झाला आहे. तर अनेकजण जखमी झाले आहेत.