गाझियाबाद : तीन व्यक्तींनी एका कुत्र्याला फाशी दिल्याची घटना उत्तरप्रदेशमधील गाझियाबाद येथे घडली आहे. या तीन नराधमांनी कुत्र्याला मरेपर्यंत फाशी देत त्याची हत्या केली असून आरोपींची पोलिसांकडून चौकशी सुरू आहे. या घटनेचा व्हिडिओ सध्या सोशल मीडियावर व्हायरल होत आहे.

(Marathi Crime News)

हेही वाचा - मामाच्या जमिनीवरून सावकाराला पळविणारा 'डेबू' कसा बनला गाडगेबाबा.....

अधिक माहितीनुसार, एका बांधकाम साईटवरील तीन व्यक्ती एका कुत्र्याची मान बांधून त्याला लोखंडी साखळीने लटकवत आहेत. तर एकजण साखळी ओढतो. त्यानंतर कुत्र्याचा विव्हळण्याचा आवाज येतो. पण त्यानंतरही त्याला खाली सोडण्यात येत नाही. या प्रकरणात अखेर त्या निर्दयी कुत्र्याचा बळी जातो. तर हा व्हिडिओ तीन महिन्यापूर्वीचा असल्याचं पोलिसांनी सांगितलं असून तीन आरोपींनी चौकशीसाठी ताब्यात घेण्यात आल्याची माहिती पोलिसांनी दिली.

दरम्यान, मागच्या काही दिवासांत कुत्र्याला मारहाण आणि मारण्याच्या घटना वाढल्या असून दोन दिवसांपूर्वी बीडमध्ये एका व्यक्तीने कुत्र्याची गोळ्या झाडून हत्या केली होती. कुत्रा आपल्याला भुंकतो म्हणून दारूच्या नशेत असलेल्या एका व्यक्तीने शेजाऱ्याच्या कुत्र्यावर गोळ्या झाडल्या होत्या. त्यामध्ये कुत्र्याचा जागीच मृत्यू झाला. या प्रकरणी आरोपीवर गुन्हा दाखल करण्यात आला होता.