मध्यप्रदेशात विधानसभा निवडणूक जिंकल्यानंतर भारतीय जनता पक्षानेमोहन यादव यांना मध्य प्रदेशचे नवे मुख्यमंत्री केले आहे. ते शिवराज सिंह चौहान यांची जागा घेतील. मोहन यादव यांच्या नावाची घोषणा होताच शिवराज सिंह यांनी मुख्यमंत्रिपदाचा राजीनामा देखील दिला आहे.मात्र त्यांच्या राजीनाम्यानंतर त्यांना भेटण्यासाठी आलेल्या काही महिला भावूक झाल्याचे पाहायला मिळाले. याचा व्हिडीओ देखील समोर आला आहे.

शिवराज सिंह चौहान यांनी मंगळवारी त्यांच्या महिला समर्थकांची भेट घेतली. यावेळी या महिला समर्थकांना भावना अनावर झाल्याचे पाहायला मिळाले. . दुसरीकडे शिवराज सिंह चौहान यांनीही पत्रकार परिषदेला संबोधित केले. ते म्हणाला, मी काहीही नसतानाही मुलींची लग्ने लावायचो. पण मी मुख्यमंत्री होताच लाडली बेटी आणि कन्या विवाह योजना सुरू केली. या योजनेअंतर्गत मी माझ्या मुली आणि बहिणींचे जीवनात सुधार आणू शकलो.

माजी मुख्यमंत्री म्हणाले की, बाबू लाल गौर यांच्यानंतर मी मुख्यमंत्रीपदाची सूत्रे हाती घेतली होती. 2008 आणि 2013 मध्ये पुन्हा भाजपचे सरकार स्थापन झाले. 2018 मध्ये जागा कमी होत्या पण मते जास्त होती. माझे मन आनंदाने आणि समाधानाने भरलेले आहे. पीएम मोदी, केंद्राची योजना आणि लाडली बहना योजना यामुळेच सरकार स्थापन झाल्याचे देखील शिवराज सिंह चौहान म्हणाले .