भारत बायोटेकच्या (Bharat Biotech) कोरोना लस, कोवॅक्सीनसाठी (Covaxin) एक चांगली बातमी समोर आलीय, जी भारतात तयार झालीय. जर्मनीनं (Germany) कोवॅक्सीनला मान्यता दिलीय. या मंजुरीची अनेक दिवसांपासून प्रतीक्षा होती. त्यामुळं जर्मनीत जाणाऱ्या भारतीयांना मोठा दिलासा मिळणार आहे. मात्र, पूर्वीप्रमाणं 1 जूनपासून भारतीयांना प्रवासापूर्वी लसीकरण प्रमाणपत्र (Vaccination Certificate) देण्याची आवश्यकता नाहीय. विशेषत: प्रवासाच्या दृष्टीनं ही मान्यता देण्यात आलीय.

यापूर्वी जागतिक आरोग्य संघटनेनं (WHO) कोवॅक्सिनच्या पुरवठ्यावर बंदी घातली होती. याबाबत माहिती देताना जागतिक आरोग्य संघटनेनं सांगितलं की, भारत बायोटेकनं संयुक्त राष्ट्रांच्या एजन्सीद्वारे निर्मित COVID-19 कोवॅक्सीनचा पुरवठा थांबवला आहे. उत्पादन सुविधांची तपासणी आणि सुधारणा करताना आढळून आलेले दोष दुरुस्त करता यावेत, यासाठी हे निर्बंध लादण्यात आले होते.

डब्ल्यूएचओच्या निर्णयानुसार, लस प्राप्त करणार्‍या देशांना योग्य कारवाई करण्यास सांगितलं होतं. परंतु, काय कारवाई केली जाईल हे सांगितलं नाही. डब्ल्यूएचओनं सांगितलं की, ही लस प्रभावी आहे आणि तिच्या सुरक्षिततेबद्दल कोणतीही चिंता नाही. परंतु, निलंबनामुळं कोवॅक्सीनच्या पुरवठ्यात व्यत्यय येईल. 14 ते 22 मार्च दरम्यान डब्ल्यूएचओ पोस्ट इमर्जन्सी यूज लिस्टिंग (EUL) तपासणीच्या निकालांना प्रतिसाद म्हणून हे निलंबन घेण्यात आलं होतं.