चंदीगढ: गेल्या काही दिवसांपासून पंजाब काँग्रेसमध्ये मोठी उलथापालथ घडून येताना दिसत आहे. काही दिवसांपूर्वीच पंजाबचे मुख्यमंत्री कॅप्टन अमरिंदर सिंग यांनी राजीनामा दिला होता, त्यानंतर चरणजीत सिंग चन्नी यांना मुख्यमंत्री पदी बसवण्यात आलं आहे. या साऱ्या घडामोडींच्या पार्श्वभूमीवर असणारे पंजाब काँग्रेसच प्रदेशाध्यक्ष नवज्योत सिंग सिद्धू यांनी देखील थोड्याच वेळा पूर्वी आपली नाराजी व्यक्त करत काँग्रेस अध्यक्षांकडे आपला राजीनामा सोपवला आहे. त्यांच्या या राजीनाम्याचा धक्का अद्याप ताजा असतानाच आता आणखी एक धक्का बसला आहे. पंजाब काँग्रेसच्या महत्त्वाच्या पदाधिकाऱ्याने सिद्धूंच्या मागोमाग आपल्याही पदाचा राजीनामा दिला आहे.

गुलझार इंदर चहल यांनी देखील आता कोषाध्यक्षपदाचा राजीनामा दिली आहे. पक्षाचे प्रदेशाध्यक्ष नवज्योतसिंग सिद्धू यांनी राजीनामा दिल्यानंतर गुलजार इंदर चहल यांनी पंजाब काँग्रेसचे कोषाध्यक्षपद सोडले आहे. सुपूर्द केलेल्या राजीनाम्यामध्ये त्यांनी म्हटलंय की, माणसाचे चारित्र्य कोसळण्याची सुरुवात ही तडजोड करण्यापासून सुरु होते. मी पंजाबच्या भविष्या आणि कल्याणाबाबत तडजोड करु शकत नाही. त्यामुळेच मी पंजाब प्रदेशाध्यक्ष पदाचा राजीनामा सोपवत असल्याचं सिद्धू यांनी म्हटलंय.