रायबरेली : काश्मीरातील कलम 370 रद्द करण्याचा निर्णय मोदी सरकारने काल (मंगळवार) घेतला. या निर्णयानंतर काँग्रेसकडून टीका केली जात असताना त्यांच्या एका महिला आमदाराने या निर्णयाचे स्वागत केले. उत्तर प्रदेशातील सदर रायबरेलीच्या काँग्रेस आमदार आदिती सिंह यांनी मोदींच्या निर्णयाला पाठिंबा दिला आहे.

आदिती सिंह यांनी 'United we stand! Jai Hind #Article370' असे ट्विट केले. या ट्विटच्या माध्यमातून आदिती सिंह यांनी पाठिंबा दर्शवला आहे. आदिती सिंहांच्या या ट्विटवर एकाने 'तुम्ही तर काँग्रेसी आहात' अशी प्रतिक्रिया दिली. त्यानंतर त्याला उत्तर देताना आदिती सिंह यांनी ट्विट केले. 'मी एक हिंदुस्थानी आहे'. 

दरम्यान, आदिती सिंह यांनी काँग्रेसपेक्षा वेगळी भूमिका घेतल्याने त्या आता चांगल्याच चर्चेत आल्या आहेत.