अमेरीकेच्या जो बायडेन (Joe Biden) प्रशासनाने भारतात वाढत्या बलात्काराच्या घटना आणि जम्मू-काश्मीरमधील वाढत्या दहशतवादामुळे अमेरिकेच्या नागरीकांना भारतात प्रवास करण्यासंदर्भात पुनर्विचार करण्याचे निर्देश दिले आहे.

अमेरिकेच्या सेंटर फॉर डिसिज कंट्रोलने भारतात कोरोनाच्या तिसऱ्या लाटीचा संदर्भ देत भारतात प्रवास करण्याबाबत विचार करावा, अशी नोटीस जारी केली होती. यानंतर थोड्या वेळातच जो बायडेन प्रशासनाने आणखी एक नोटीस काढत भारतात जम्मू-काश्मीरमध्ये भारत – पाकिस्तान सीमेजवळ दहशतवादीचा धोका आहे सोबतच बलात्काराच्या अनेक घटना पर्यटनस्थळ तसेच अनेक ठिकाणी उघडकीस आल्या आहेत. त्यामुळे भारतात प्रवास करण्यासंदर्भात पुनर्विचार करा, असा सल्ला नागरिकांना दिलाय.