भारतात यंदा स्वातंत्र्याचा अमृत महोत्सव साजरा येत आहे. आज 15 ऑगस्ट 2022, यंदा भारताला स्वातंत्र्य मिळून 75 वर्ष पूर्ण झाली आहेत. देशभरात स्वातंत्र्य दिनाचा उत्साह पाहायला मिळत आहे. देशभरात विविध देशभक्तिपर उपक्रम आणि अभियान राबवण्यात येत आहेत. सकाळी 7.30 वाजता पंतप्रधान नरेंद्र मोदी यांनी लाल किल्ल्यावर ध्वजारोहण केलं. पंतप्रधान मोदी यांनी नवव्यांदा ध्वजारोहण केलं आहे. यानंतर त्यांनी देशातील जनतेला संबोधित करत देशवासियांना स्वातंत्र्य दिनाच्या शुभेच्या दिल्या. मोंदींनी स्वातंत्र्य दिनी 1 तास 22 मिनिटं 32 सेकंदांचं भाषण करत स्वतःचाच रेकॉर्ड मोडला आहे.

पंतप्रधान मोदींनी आतापर्यंत लाल किल्ल्यावरून दीड तासांचं भाषण करत सर्वाधिक वेळ भाषण करण्याचा विक्रम आज केला आहे. मोंदींनी स्वातंत्र्य दिनी 1 तास 22 मिनिटं 32 सेकंदांचं भाषण केलं आहे. यावेळी त्यांनी वेगवेगळ्या मुद्यांवर भाष्य केल आहे. यामध्ये भ्रष्टाचार, महिला, शिक्षण, कृषि, तंत्रज्ञान, विकसित भारत, नागरिकांची कर्तव्ये, डिजिटल भारत अशा वेगवेगळ्या मुद्यांवर त्यांनी विचार व्यक्त केले आहेत.

दरवर्षी 15 ऑगस्टला पंतप्रधान लालकिल्ल्यावरुन देशाला संबोधित करतात. 1947 साली जेव्हा देश स्वतंत्र झाला होता तेव्हा भारत देशाचे तत्कालिन पंतप्रधान पंडित नेहरु यांनी 72 मिनिटं भाषण केल होत. त्यानंतर नरेंद्र मोदी यांचं 2016 साली मोठ भाषण केल होत. 2014 पासून मोदी दिल्लीतील लाल किल्ल्यावरील भाषणात तीन वेळा 90 मिनिटं किंवा त्यापेक्षा जास्त वेळ बोलले होते. तर 2017 साली ते सर्वात कमी म्हणजे 56 मिनिटं बोलले होते. तर 2018 मध्ये 83 मिनिटं, 2019 मध्ये 92 मिनिटं, 2020 मध्ये 90 मिनिटं, तर 2021 मध्ये 88 मिनिटांचं भाषण पंतप्रधान नरेंद्र मोदी यांनी केलं होत.