India's Expensive Voter: मतदान करणं हे प्रत्येका भारतीयाचं नागरिक म्हणून कर्तव्य आहे. दरवर्षी २५ जानेवारीला मतदारांचे हक्क आणि मतदानाच्या जनजागृतीसाठी भारतात “नॅशनल वोटर्स डे” अर्थात मतदार दिवस साजरा केला जातो. 

जागोजागी मतदानाच्या दिवशी वोटिंग बूथ हे लागतात आणि त्या बूथवर आजूबाजूचे अनेक लोकं येऊन मतदान करत असतात, पण तुम्हाला हे माहिती आहे का की भारत शासन फक्त एका मतदारसाठी म्हणून एक वोटिंग बूथ उघडतं. 

होय! वाचून आश्चर्य वाटेल कारण एका बाजूला मतदानासाठी लागणाऱ्या रांगा आणि दुसरीकडे फक्त एका माणसाचे मत घेण्यासाठी जमलेले मतदान अधिकारी.. गुजरातच्या गीरच्या जंगलात दरवर्षी हे मतदान केंद्र बनवले जाते, अन् यासाठी तब्बल १५ अधिकारी सकाळी ८ ते संध्याकाळी ६ या वेळेत हजर असतात. सगळे मिळून त्या एका व्यक्तीची वाट बघत असतात. 

नक्की कोण आहे ही व्यक्ती?

गुजरातमध्ये राहणारे सर्वात खर्चिक मतदार म्हणून भरतदास चंदनदास. भरतदास हे एका मंदिराचे पुजारी होते. त्यांच्यासाठी निवडणूक आयोगाने आतापर्यंत स्वतंत्र मतदान केंद्र उभारले आहे.  जुनागढच्या गीर जंगलात बनेज नावाच्या एका मंदिरात ते राहत होते.  मात्र, त्यांचे १ नोव्हेंबर २०१९ रोजी निधन झाले.  

२००२ पासून आयोग भरतदासांची व्यवस्था करत आहे

२०१९ च्या निवडणुकीत महंत भरतदास दर्शनदास यांच्यासाठी निवडणूक आयोगाने स्वतंत्र मतदान केंद्र उभारले होते. तसे, २००२ पासून प्रत्येक निवडणुकीत निवडणूक पंच ५ जणांची टीम पाठवत त्यांच्यासाठी खास बूथची व्यवस्था करत असे.  त्या भागात भरतदास हे एकमेव मतदार होते.. त्यांच्या मतदानानंतरही टीम संध्याकाळी ६ वाजेपर्यंत हजर राहून कर्तव्य पूर्ण करत असे.