Delhi High Court Dismisses Jacqueline Fernandez’s Petition : बॉलिवूड अभिनेत्री जॅकलीन फर्नांडिस हिला दिल्ली उच्च न्यायलयाकडून जबरदस्त झटका बसला आहे. २०० कोटी रुपयांच्या मनी लाँड्रिंग प्रकरणात तिच्याविरोधात दाखल झालेला एफआयआर रद्द करण्याची मागणी करणारी याचिका न्यायालयाने फेटाळली आहे.

जॅकलीनने अंमलबजावणी संचालनालयाचे दुसरे पुरवणी आरोपपत्र व दिल्लीतील कनिष्ठ न्यायालयात प्रलंबित असलेली कार्यवाही रद्द करण्याची विनंती देखील केली होती. मात्र न्यायमूर्ती अनिश दयाल यांनी तिच्या सर्व याचिका फेटाळून लावल्या आहेत.

सुनावणीदरम्यान ईडीच्या वकिलांनी याचिकेला विरोध केला आणि सांगितले की, जॅकलीनच्या याचिकेत काहीही तथ्य नाही. विशेष न्यायालयानेही फिर्यादी तक्रारीची दखल घेतली होती आणि प्रथमदर्शनी आरोप खरे वाटत होते. दखल घेण्याच्या आदेशाला आव्हान देण्यात आलेले नाही, असेही वकिलांनी सांगितले.

जॅकलीन फर्नांडिस फसवणूक करणाऱ्या सुकेश चंद्रशेखरविरुद्ध दाखल झालेल्या मनी लाँड्रिंग प्रकरणात आरोपी आहे. ती या प्रकरणात चौकशासाठी ईडीसमोरही हजर झाली आहे.