Jyotiraditya Scindia replied:केंद्रीय मंत्री ज्योतिरादित्य शिंदे यांनी कॉंग्रेसकडून केल्या जाणाऱ्या टीकांवर पलटवार केलाय. गद्दार म्हटलं गेल्यावर शिंदे म्हणाले की जर असं होतं तर त्यांना आणि त्यांच्या वडीलांना कॉंग्रेस पक्षात सामील का केलं गेलं.

ज्यांनी इतिहासाचं एकही पान वाचल नाही, त्यांना जे बोलायचंय ते बोलूद्या. शिंदे म्हणाले की त्यांचे विचार आणि त्यांची विचारधारा मध्य प्रदेश आणि राष्ट्रासाठी समर्पित आहे.

ते म्हणाले की,"त्यांना त्यांचं काम करु द्या, ज्यांनी इतिहासाचं एक पानही वाचलं नाहीये त्यांना बोलू द्या. मी आणि माझ्या कुटुंबाचे कर्म, विचार आणि विचारधारा ही ग्वालियर, ग्वालियर संभाग, मध्य प्रदेश आणि राष्ट्रासाठी समर्पित आहे. जर त्यांना एवढीच चिंता होती, तर त्यांनी मला आणि माझ्या वडीलांना (माधवराव शिंदे) कॉंग्रेसमध्ये सामील का केलं ? "

प्रियंका गांधींच्या रॅलीमध्ये लावण्यात आले होते पोस्टर

मागच्या काही दिवसांमध्ये प्रियंका गांधींच्या दौऱ्याच्या दरम्यान पोस्टर लावण्यात आले होते की १८५७च्या पहिल्या स्वातंत्र्य युद्धात शिंदेंनी राणी लक्ष्मीबाईला आणि १९६९ व २०२०मध्ये कॉंग्रेसला धोका दिला होता. मात्र, पोलिसांकडून हे पोस्टर हटवण्यात आले होते.

विश्वासघाताच्या इतिहासाची पुनरावृत्ती केली जात आहे

२१ जुलैला प्रियंका गांधी यांनी रॅलीमध्ये बोलण्याच्या आधी विरोधक नेते गोविंद सिंह हे बोलताना म्हणाले होते की,"आधी या कुटुंबाने (शिंदे)लक्ष्मीबाईला धोका दिला आणि नंतर १९६७मध्ये कॉंग्रेसला धोका दिला (जेव्हा ज्योतिरादित्य शिंदे यांच्या आजीने कॉंग्रेसचं सरकार पाडलं होतं) आणि आता आपली अब्जावधीची संपत्ती वाचवण्यासाठी कॉंग्रेसचे सरकार पाडून विश्वासघात केला."

आरोप लावताना ते म्हणाले की,"लक्ष्मीबाईंनी इथेच शेवटचा श्वास घेतला. भिंडच्या जनतेने त्यांना पाठींबा दिला. त्या ग्वालियरच्या महाराजांच्या विनंतीला मान देऊन आल्या होत्या. जर लक्ष्मीबाईंना साथ मिळाली असती, तर भारताला १०० वर्षांआधीच स्वातंत्र्य मिळालं असतं. विश्वासघाताच्या इतिहासाची पुनरावृत्ती होत आहे."