बंगळूर - नववर्षाच्या पूर्वसंध्येला बॉलिवूड अभिनेत्री सनी लिओनीच्या होणाऱ्या कार्यक्रमाला कर्नाटक सरकारने परवानगी नाकारली आहे. तसेच राज्यात कोठेही सनी लिओनी कार्यक्रम घेऊ शकणार नाही.

सनी लिओनीच्या 31 डिसेंबरला होणाऱ्या कार्यक्रमाला कन्नड संघटनांकडून विरोध करण्यात येत होता. या संघटनांनी सनी लिओनीचा कार्यक्रम कन्नड संस्कृतीसाठी धोका असल्याचे म्हटले होते. अखेर सरकारने सनीच्या कार्यक्रमाला परवानगी नाकारली आहे.

कर्नाटकचे गृहमंत्री रामलिंग रेड्डी यांनी दिलेल्या माहितीनुसार, सुरक्षेच्या कारणावरून आम्ही या कार्यक्रमाला मंजूरी दिलेली नाही. या कार्यक्रमाला सतत विरोध करण्यात येत होता. गेल्या वर्षी नववर्षाच्या कार्यक्रमात एका तरुणीची छेडछाड झाल्याची घटना घडल्यानंतर उच्च न्यायालयाने अशा कार्यक्रमांना मंजूरी न देण्याचे आदेश दिले आहेत.