Ladakh army accident: लडाखमधून एक अतिशिय दु:खद बातमी समोर आली आहे. लडाखच्या दुरबुक भागात भारतीय सैन्याच्या गाडीवर महाकाय खडक कोसळला. यामुळे घडलेल्या भीषण दुर्घटनेत एका अधिकाऱ्यासह दोन जवानांचा मृत्यू झाला आहे, शिवाय एक अधिकारी आणि दोन जवान गंभीर जखमीही झाले आहेत.

ही दुर्घटना सकाळी जवळपास ११ वाजेच्या आसपास घडली.  या आधी अधिकाऱ्यांनी सांगितले होते की, लडाखमधील दुरबुक भागात एक कार पर्वताला धडकल्याने एका अधिकाऱ्यासह किमान चार ते पाच जवान जखमी झाले. घटनास्थळी मदत आणि बचाव कार्य सुरू आहे.

लडाखमध्ये मागील काही दिवसांपासून जोरदार पाऊस आणि बर्फवृष्टी होत आहे. ज्या कारणामुळे या क्षेत्रात रस्ते अपघातात मोठी वाढ झाली आहे. काही दिवासांपूर्वी अशीच दुर्घटना घडली होती, ज्यामध्ये दोनजण जखमी झाले होते. तर भारतीय सैन्याच्या फायर अँण्ड फ्यूरी कोरने दोन व्यक्तिंचा जीव वाचवला होता आणि त्यांना पुढील उपचारासाठी कारू येथील रूग्णालयात पाठवले होते.