नवी दिल्ली : मध्य प्रदेशातील कटनी येथून एक धक्कादायक घटना समोर आली आहे. एका तलाठ्याने एका व्यक्तीकडून लाच म्हणून पाच हजार रुपये घेतले. मात्र आपल्याला लाच घेताना पकडण्यासाठी पोलिसांनी सापळा रचल्याचे समजताच, तलाठ्याने लाचेचे पैसे गिळंकृत केले. या घटनेचा व्हिडीओ सोशल मीडियावर व्हायरल झाला आहे.
दरम्यान पोलिसांनी या घटनेनंतर आरोपी तलाठ्याला जवळच्या रुग्णालयात नेले. यावेळी डॉक्टरांनी त्याने गिळलेली रक्कम बाहेर काढण्याचा प्रयत्न केला. मात्र त्यांना यश आले नाही. या घटनेची व्हिडीओ सोशल मीडियावर व्हायरल झाला आहे.
एसपीई एसपी संजय साहू यांनी दिलेल्या माहितीनुसार तलाठी गजेंद्र सिंह याने त्यांच्या खासगी कार्यालयात पाच हजार रुपयांची लाच घेतली. परंतु लाच घेतल्यानंतर त्यांना लोकायुक्त विशेष पोलीस आस्थापनेने (एसपीई) सपाळा रचल्याचे लक्षात आले. हा प्रकार लक्षात येताच तलाठी गजेंद्र याने लाचेची सर्व रक्कम खावून टाकली.
एसपी संजय साहू यांनी सांगितले की, बारखेडा गावातील एका व्यक्तीने त्यांच्याकडे तक्रार केली होती, की तलाठ्याने आपल्याला लाच मागितली. यानंतर तलाठ्य़ाकडे ठरल्याप्रमाणे तक्रारदाराने पैसे दिले. मात्र आरोपी तलाठ्याला संशय आला. त्याचवेळी समोर पोलीस पथक दिसले. त्यावेळी आरोपीने पैसे गिळंकृत केले. सध्या पोलिसांनी आरोपी तलाठ्याविरुद्ध गुन्हा दाखल करून त्याच्या मालमेचा तपास सुरू केला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.