नवी दिल्ली : जीवघेण्या कोरोना विषाणूच्या उद्रेकाच्या पार्श्‍वभूमीवर चीनच्या हुएई प्रांतातून आज (रविवार) मालदिवच्या सात नागरिकांसह 323 भारतीयांना मायदेशी आणण्यात आले. नुकतेच 324 जणांना आणले होते. 

ताज्या बातम्यांसाठी डाऊनलोड करा ई-सकाळचे ऍप

याठिकाणी अडकलेल्या 600 भारतीय विद्यार्थ्यांना मायदेशी आणण्यास शुक्रवारपासून (ता.31) सुरुवात करण्यात आली होती. यातील पहिली बॅच शनिवारी दाखल झाली. त्यानंतर आज एअर इंडियाच्या विशेष विमानाने यांना भारतात आणण्यात आले. चीनच्या सरकारकडून औपचारिक होकारानंतर या विद्यार्थ्यांना भारतात आणले जात आहे. 

भारतात कोरोनाचा दुसरा रुग्ण आढळला, पाहा कोठे?

हुवेई प्रांतात सुमारे 1200 भारतीय विद्यार्थी आहेत. कोरोना विषाणूच्या उपद्रवानंतर यातील आतापर्यंत 600 हून अधिक जणांना चीनमधील भारतीय वकिलातीतर्फे मायदेशी येण्यासाठी संपर्क साधण्यात आला होता. त्यांच्यासाठी दोन विशेष विमानेही तयार ठेवण्यात आली होती. तपासणी करून या सर्वांना भारतात आणण्यात आले आहे. भारतात परतल्यानंतर या विद्यार्थ्यांची वैद्यकीय तपासणीही केली जात आहे. कोणत्याही भारतीय नागरिकाला कोरोना विषाणूचा संसर्ग झाला नसल्याची आतापर्यंतची माहिती आहे.