कोलकता : पश्‍चिम बंगालच्या मुख्यमंत्री ममता बॅनर्जी यांनी केंद्र सरकारने दहशतवाद्यांविरोधात केलेल्या कारवाईचे पुरावे मागितले आहेत.

या कारवाईनंतर पंतप्रधानांनी सर्वपक्षीय बैठक बोलाविली नाही, विरोधी पक्ष या नात्याने आम्हाला सर्व कारवाईची माहिती हवी आहे. भारताच्या विमानांनी किती बॉंब टाकले, यामध्ये किती माणसे मारली गेली, याची माहिती आम्हाला हवी असल्याचेही त्यांनी स्पष्ट केले.

यासाठी एका अमेरिकी दैनिकाने दिलेल्या एका बातमीचा संदर्भ देत त्यांनी लष्कराच्या कारवाईवर प्रश्‍नचिन्ह उपस्थित केले.