ग्वालियर : मध्य प्रदेश (Madhya Pradesh) राज्यातील ग्वालियरच्या (Gwalior) डबरात कुत्र्याबरोबर झालेल्या क्रूरतेचा व्हिडिओ व्हायरल होत आहे. व्हिडिओत एक व्यक्ती चाकूने कुत्र्याचे तुकडे करीत असल्याचे दिसत आहे. माहितीनुसार यातील दिसत असलेला व्यक्ती बनावट डाॅक्टर आहे. त्याच्या मुलाला काही दिवसांपूर्वी या कुत्र्याने चावले होते. बनावट डाॅक्टरने कुत्र्याला पकडून अगोदर मारले. नंतर चाकूने वार करुन त्याचे तुकडे-तुकडे केले. व्हिडिओत दिसत आहे, की बनावट डाॅक्टर झुडपात कुत्र्यावर चाकूने वार करित आहे. यात रक्ताने माखलेला कुत्रा पळून जाण्याचा प्रयत्न करित आहे. मात्र तो त्याला पळू देत नाही.

व्हिडिओ साधारण दहा दिवसांपूर्वीचा आहे. जो आता व्हायरल होत आहे. दहा दिवसांपूर्वी बनावट डाॅक्टरच्या मुलाला मोकाट कुत्र्याने चावले होते. त्यानंतर तो त्या कुत्र्याचा शोध घेत होता. घटनेच्या पुढल्या दिवशी त्याला सदरील कुत्रा दिसला. त्याने कुत्र्याला पकडले आणि त्याला मारायला सुरुवात केली. गावकऱ्यांनी बनावट डाॅक्टरच्या क्रूरतेचा व्हिडिओ बनवून व्हायरल केला. आता त्याच्याविरुद्ध कारवाई करण्याची मागणी होत आहे.