रब्बी हंगामाच्या सुरुवातीलाच वादळामुळे देशातील काही राज्यांत मोठ्या प्रमाणात पाऊस पडला. त्यामुळे राज्यातही सोयाबीनचे नुकसान झाले आहे. दरम्यान, केंद्रीय मंत्री मनसुख मांडवीय यांनी खत पुरवठा करणाऱ्या कंपन्या, फॉस्फेटिक खतं, डाय अमोनिअम फॉस्फेट (DAP) यांना खतांच्या किंमती न वाढवण्याचे निर्देश दिले आहेत.
चालू रब्बी हंगामात परवडणाऱ्या किंमतीत खतांची उपलब्धता सुनिश्चित करण्यासाठी सरकारने प्रयत्न केल्याचं सूत्रांनी सांगितलं. फॉस्फेटिक खतांच्या किरकोळ किमती वाढवू नयेत, असे निर्देश दिले आहेत.
सरकारने, डीएपी आणि इतर काही युरिया नसलेल्या खतांवर सबसिडी वाढवली आहे. तसेच युरिया नसलेल्या अन्य खतांवर सबसिडी वाढवण्याची शक्यता नाही, असेही ते म्हणाले. सूत्रांनी दिलेल्या माहितीनुसार, सरकार डीएपीच्या किरकोळ किंमतीत कोणतीही वाढ करू देणार नाही.
जून महिन्यात, केंद्रीय मंत्रिमंडळाने वाढत्या खर्चानंतरही शेतकऱ्यांसाठी पिकांच्या पोषक घटांची किंमत कमी ठेवण्यासाठी डीएपी आणि इतर काही नॉन-युरिया खतांसाठी सबसिडी 14,775 कोटी रुपयांनी वाढवली होती. साथीच्या काळात शेतकऱ्यांना दिलासा देण्याच्या उद्देशाने हे पाऊल उचलण्यात आले,असे मंत्री म्हणाले.
युरिया नंतर, डी-अमोनियम फॉस्फेट (डीएपी) खत देशात सर्वाधिक प्रमाणात वापरले जाते. जागतिक किमतीत वाढ झाल्यामुळे सरकारने डीएपीवर सबसिडी 140 टक्क्यांनी वाढवली होती. डीएपी खताचे अनुदान 500 रुपये प्रति बॅग वरून 1200 रुपये प्रति बॅग करण्यात आले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.