श्रीनगर : जम्मू-काश्मीरमध्ये (Jammu Kashmir) आज गुरुवारी (ता.२८) मिनी बस अरुंद दरीत कोसळून झालेल्या अपघातात ८ ठार, तर अनेक जण जखमी झाले आहेत. सदरील बस ही थात्रीहून डोडाकडे प्रवाशांना घेऊन निघाली होती. त्यावेळी अपघात घडला. सध्या बचाव कार्य सुरु असल्याची माहिती डोडाचे अतिरिक्त पोलिस अधीक्षकांनी एएनआय या वृत्तसंस्थेशी बोलताना दिली आहे. जखमींना जीएमसी रुग्णालयात हलवण्यात येत आहे. जी काही मदत लागेल ती पुरवली जाईल, असे केंद्रीय मंत्री डाॅ. जितेंद्र सिंग यांनी सांगितले.

पंतप्रधान मोदींकडून सांत्वन

थात्रीतील रस्ता अपघातातील मृतांबाबत पंतप्रधान नरेंद्र मोदी यांनी शोक व्यक्त केला आहे. त्यांनी मृतांच्या नातेवाईकांना दोन, तर जखमींना ५० हजार रुपये पंतप्रधान साहाय्यता निधीतून देण्याची घोषणा केली आहे.