चंदीगड विद्यापीठातील एमएमएस प्रकरणामुळे संपूर्ण देशात संताप व्यक्त केला जात आहे, गर्ल्स हॉस्टेलमधीलच एका मुलीवर इतर मुलींचा अंघोळ करतानाचा व्हिडिओ बनवल्याचा आरोप असून या मुलीने अनेक मुलींचे आक्षेपार्ह व्हिडिओ बनवले आणि मित्राला शेअर केल्याचा देखील आरोप आहे. हा प्रकार उघडकीस येताच विद्यापीठात एकच खळबळ उडाली आहे..

मोहालीमध्ये, चंदीगड विद्यापीठात दुपारी 2 वाजता हा सगळा गोंधळ सुरू झाला जेव्हा वसतिगृहातील 5 ते 6 विद्यार्थिनी आंघोळ करतानाचा व्हिडिओ व्हायरल झाला होता. मुलीने व्हिडीओ बनवून तिच्या ओळखीच्या मुलाला पाठवल्याचे सांगण्यात आले. या प्रकरणावरून विद्यापीठातील विद्यार्थ्यांनी विद्यापीठ परिसरात एकच गोंधळ घातला.

पोलिसांचा विद्यार्थ्यांवर लाठीमार

व्हिडिओ समोर आल्यानंतर विद्यार्थिनी वसतिगृहातून बाहेर आल्या. 'वुई वॉंट जस्टिस'च्या घोषणा देत त्यांनी विद्यापीठाला घेराव घातला. पोलिसांना पाचारण करण्यात आले. पोलिसांनी विद्यार्थिनींना शांत करण्याचा प्रयत्न केला असता त्यांनी पोलिसांच्या पीसीआर टीमची वाहने उलटून टाकली. दरम्यान आंदोलक विद्यार्थ्यांना शांत करण्यासाठी पोलिसांना लाठीमारही करावा लागला. परिसरात मोठ्या प्रमाणात पोलीस बंदोबस्त तैनात करण्यात आला आहे.

विद्यापीठाचे म्हणणे काय आहे..

या सर्व गोंधळात, काही विद्यार्थिनींनी आत्महत्येचा प्रयत्न केल्याची बातमी समोर आली. मात्र, चंदिगड विद्यापीठ आणि पंजाब पोलिसांनी असा कुठलाही प्रकार झाला नसल्याचे म्हटले आहे. विद्यापीठाचे म्हणणे आहे की सत्य हे आहे की कोणत्याही मुलीने असा प्रयत्न केला नाही किंवा कोणत्याही विद्यार्थिनीला रुग्णालयात दाखल केले नाही. विद्यार्थिनींचे आक्षेपार्ह व्हिडिओ शूट केले जात असल्याच्या अफवा पूर्णपणे निराधार आणि खोट्या असल्याचं चंदिगड विद्यापीठानं म्हटलं आहे. एकाही विद्यार्थ्याचा व्हिडिओ सापडला नाही, जो आक्षेपार्ह आहे, असे त्यांचे म्हणणे आहे. फक्त एक व्हिडिओ सापडला आहे, जो स्वतः विद्यार्थ्यीनीचा आहे, जो तिने तिच्या प्रियकरासोबत शेअर केला आहे.

'व्हायरल व्हिडिओ आरोपी विद्यार्थ्यीनीचा आहे'

मोहाली पोलीसांनीही विद्यापीठ प्रशासनासारखाच दावा केला आहे. मोहालीचे एसएसपी विवेक शील सोनी म्हणाले की, अनेक मुलींचे व्हिडिओ बनवले गेले हे चुकीचे आहे. आमच्या तपासात असा दुसरा कोणताही व्हिडिओ समोर आलेला नाही, ते म्हणाले की, म्हणाले की व्हायरल झालेला व्हिडिओ आरोपी विद्यार्थ्यीनीचाच आहे. एडीजीपी गुरप्रीत देव यांनी सांगितले की, आरोपी मुलगी शिमल्यातील एका मुलाला ओळखते. मुलाला अटक करून फोनची फॉरेन्सिक तपासणी केली जाईल, त्यानंतर सर्व काही स्पष्ट होईल. फॉरेन्सिक टीमने डिलीट केलेला व्हिडिओही समोर येण्याची शक्यता आहे.

प्रदेश महिला अध्यक्षा मनीषा गुलाटी यांनी काही मुलींनी आत्महत्या केल्याची खोटी माहिती पसरवण्यात आली. या सर्व अफवा आहेत, कोणत्याही मुलीने आत्महत्या केली नाही आणि कोणीही रुग्णालयात दाखल नाही. राज्य महिला आयोगाच्या अध्यक्षा म्हणाल्या की, जर हे सर्व काही याआधी चालत असेल, तर मी तुम्हाला आश्वासन देतो की, हा सखोल तपासाचा विषय आहे आणि मी या प्रकरणावर लक्ष ठेवेन.

सीएम मान याचे उच्चस्तरीय चौकशीचे आदेश

भगवंत मान यांनी ट्विट केले - चंदीगड विद्यापीठातील दुर्दैवी घटनेबद्दल ऐकून दुःख झाले. मुली आमचा आदर आहेत. या घटनेच्या उच्चस्तरीय चौकशीचे आदेश देण्यात आले असून दोषी आढळल्यास त्यांच्यावर कडक कारवाई करण्यात येईल. मी प्रशासनाच्या संपर्कात असून सर्वांनी अफवा टाळण्याचे आवाहन करतो असेही मुख्यमंत्री म्हणाले.

केजरीवाल काय म्हणाले

या प्रकरणावर मुख्यमंत्री अरविंद केजरीवाल यांनी ट्विट केले - चंदीगड विद्यापीठातील एका मुलीने अनेक विद्यार्थिनींचे आक्षेपार्ह व्हिडिओ रेकॉर्ड करून व्हायरल केले आहेत. हे अतिशय गंभीर आणि लज्जास्पद आहे. यामध्ये सहभागी असलेल्या सर्व दोषींना कठोरात कठोर शिक्षा होईल. पीडित मुलींनी खंबीरपणा दाखवावा. आम्ही सर्व तुमच्या सोबत आहोत. सर्वांनी संयम बाळगावा.

राष्ट्रीय महिला आयोगाने घेतली दखल

राष्ट्रीय महिला आयोगाने आता या प्रकरणाची दखल घेतली आहे. आयोगाने पंजाबच्या पोलीस महासंचालकांना (डीजीपी) पत्र लिहून या प्रकरणातील दोषींवर त्वरित आणि कठोर कारवाई करण्याचे निर्देश दिले आहेत. यासोबतच राष्ट्रीय महिला आयोगाने चंदीगड विद्यापीठाच्या कुलगुरूंनाही याप्रकरणी दोषींवर योग्य ती कारवाई करण्यास सांगितले आहे.