नवी दिल्ली : एखाद्या चित्रपटातील एखादा डायलॉग आपल्या मनावर कायमचा कोरला जातो. आपण वारंवार तो डायलॉग बोलत असतो. आतापर्यंत अशा अनेक डायलॉगला प्रसिद्धी मिळाली आहे. यापैकी एक डायलॉग म्हणजे अभिनेत्री सोनाक्षी सिन्हाच्या (Sonakshi Sinha) २०१० मधील दंबग चित्रपटातील. सोनाक्षीच्या ''थप्पड से डर नहीं लगता साहब, प्यार से लगता हैं'' या डायलॉगने सोशल मीडियावर धुमाकळू घातला आहे.

ओयो रुम्स या अधिकृत ट्विटर हँडलवरून सोनाक्षीचा डायलॉग ट्विट केला. पण, यामध्ये दुसऱ्या शब्दांची भर घातली. ''Thappad se darr nahi lagta sahab, mere boss ke ‘typing...se lagta hai'' असा डायलॉग ओयोने ट्विट केला. ओयोने १२ एप्रिलला शेअर केलेले ट्विट लगेच व्हायरल झाले.

ओयेचे ट्विट रिट्विट करत सोशल मीडिया युजर्सने या डायलॉगवरून आणखी विनोद तयार केले. ज्या गोष्टीची भीती वाटते त्यासंबंधित वाक्य जोडून नवीन डॉयलॉग तयार केले आहेत. त्यांनी या डायलॉगमध्ये स्वतः क्रिएटीव्हीटी करून भन्नाट मिम्स देखील तयार केले आहेत. त्याला देखील ट्विटरवर चांगला प्रतिसाद मिळतो आहे.