नवी दिल्ली : परमबीर सिंग प्रकरणात राज्याचे पोलीस महासंचालक संजय पांडे यांनी सुप्रीम कोर्टात प्रतिज्ञापत्र सादर केलं आहे. यामध्ये त्यांनी परमबीर सिंग यांच्यावर गंभीर आरोप केले आहेत. तसेच परमबीर सिंग हे व्हिक्टिम कार्ड खेळत असल्याचंही त्यांनी म्हटलं आहे.

सुप्रीम कोर्टात दाखल केलेल्या प्रतिज्ञापत्रात संजय पांडे म्हणाले, परमबीर स्वतः माझ्याकडे मदत मागण्यासाठी आले होते मी त्यांना संपर्क केला नव्हता. माझ्याकडे आल्यानंतर परमबीर यांचा अप्रामाणिक उद्देश स्पष्ट दिसत होता. खरी माहिती नसताना, पुरावे नसताना परमबीर यांनी कोर्टाचा दरवाजा ठोठावला, असा दावाही पांडे यांनी यामध्ये केला आहे. तसेच परमबीर सिंग हे व्हिक्टिम कार्ड खेळण्याचा प्रयत्न करत असल्याचा उल्लेखही पांडे यांनी आपल्या प्रतिज्ञापत्रात केला आहे.