नवी दिल्ली- पाटीदार समाजाचे नेते हार्दिक पटेल काँग्रेस पक्षात प्रवेश करणार असल्याची चर्चा सध्या जोरात आहे. काँग्रेसकडून लोकसभेला निवडणुकही ते लढणार असल्याची माहिती मिळत असून गुजरातमधील जामनगर लोकसभेच्या जागेवर ते निवडणुक लढणार असल्याचे सांगण्यात येत आहे.

गुजरातमधील जामनगर लोकसभेच्या जागेवर सध्या भाजपच्या पुनमबेन मादम या खासदार आहेत. हार्दिक पटेल आता या जागेवरून लढण्याची शक्यता असल्याने या मतदारसंघात भाजपला कडवे आव्हान मिळण्याची शक्यता आहे. 

दरम्यान, 12 मार्च रोजी अहमदाबाद येथे होणाऱ्या काँग्रेसच्या कार्य कारिणी समितीच्या बैठकीत हा निर्णय घेण्यात येणार असल्याचेही सांगण्यात आले आहे. या बैठकीला काँग्रेसचे अध्यक्ष राहुल गांधी हेही उपस्थित असणार आहेत. त्यामुळे हार्दिक पटेल राहुल गांधी यांच्या उपस्थितीत कांग्रेसमध्ये प्रवेश करण्याची शक्यता आहे. नुकत्याच झालेल्या गुजरात विधानसभा निवडणुकांमध्ये काँग्रेसने भाजपला कडवे आव्हान दिले होते. यामध्ये हार्दिक पटेल यांची भूमिका महत्वाची होती.