श्रीनगर : काश्‍मीरमधील कुलगाम जिल्ह्यात शनिवारी संध्याकाळी दहशतवाद्यांनी पोलिसांच्या वाहनावर केलेल्या गोळीबारात एक पोलिस हुतात्मा झाला असून, दुसरा पोलिस कर्मचारी जखमी झाल्याची माहिती पोलिसांनी दिली. 

कुलगाममधील दामहाल हांजीपोरा येथे पोलिसांच्या वाहनावर दहशतवाद्यांनी गोळीबार केला. या घटनेत पोलिस हुतात्मा झाला. खुर्शीद अहमद असे हुतात्मा झालेल्या पोलिसाचे नाव आहे.

या गोळीबारानंतर घटनास्थळी मोठी पोलिस कुमक पाठविण्यात आली असून, दहशतवाद्यांचा शोध सुरू असल्याची माहिती पोलिसांच्या प्रवक्‍त्याने दिली.