प्रसिद्ध राजकीय रनणीतीकार प्रशांत किशोर यांना सोशल मीडियावर प्रचंड टीकेचा सामना करावा लागत आहे. कारण, नुकतेच एका मुलाखतीमध्ये ज्येष्ठ पत्रकार करण थापर यांनी किशोर यांना त्यांनी हिमचल प्रदेशच्या विधानसभा निवडणुकीत काँग्रेसच्या कामगिरीविषयी केलेल्या भाकितावर प्रश्न विचारला तेव्हा प्रशांत किशोर प्रचंड संतापल्याचे पाहायला मिळाले. इतकेच नाही तर करण थापर आणि प्रशांत किशोर यांच्यात तू तू मै मै झाल्याचे पाहायला मिळाले.

दरम्यान या घटनेचा व्हिडिओ सोशल मीडियावर मोठ्या प्रमाणावर व्हायरल होत आहे. अनेक प्रशांत किशोर यांनी हिमचलमध्ये काँग्रेसचा पराभव होईल म्हटल्याचे अनेक पुरावे उपलब्ध असूनही ते हे नाकरत होते. त्यामुळे प्रशांत किशोर यांच्यावर प्रचंड टीका होत आहे. (Prashant Kishore Interview With Karan Thapar)

एका सोशल मीडिया युजरने एक्सवर या प्रकरणाचा व्हिडिओ पोस्ट केला आहे. यावेळी युजर म्हणाला, "प्रशांत किशोर क्लीन बोल्ड!! वेल डन करण थापर. निदान आता तरी प्रशांत किशोर यांनी अहंकार सोडावा."