नवी दिल्ली - राजधानी दिल्लीत पुन्हा आलेली कोरोनाची लाट थोपविण्यासाठी राज्य सरकारने रात्रीच्या संचारबंदीची तयारी केली आहे. दरम्यान, सरकारने नुकत्याच केलेल्या घरोघर सर्वेक्षणात ५७ लाख ३० हजारांपैकी १३ हजार ५१६ जास्त लोकांमध्ये कोरोनाची लक्षणे आढळली व ११७८ लोक कोरोनाग्रस्त आहेत.
- पुण्याच्या बातम्या वाचण्यासाठी येथे ► क्लिक करा
संक्रमितांच्या संपर्कात आलेल्या ८४१३ लोकांची ओळखही पटविण्यात आली आहे. अतिमहत्त्वाच्या व्यक्तींची निवासस्थाने, कॅनॉट प्लेससारख्या बाजारपेठा व सरकारी कचेऱ्यांचा भाग असलेल्या मध्य दिल्लीत सर्वाधिक संक्रमित लोक आढळले आहेत.
दिल्लीत पुन्हा कोरोनाचा कहर सुरू झाला असून, आज सलग दुसऱ्या दिवसी १०० हून जास्त लोकांनी जीव गमावला आहे. मागील २४ तासांत ६६०८ नवे कोरोनाग्रस्त आढळले. देशातील १० वा संक्रमित व पाचवा मृत्यू दिल्लीत होत आहे. दिल्लीतील करोनाचा कहर रोखण्यासाठी कंटेनमेंट व प्रचंड गर्दीच्या भागांत सक्तीच्या टाळेबंदीची म्हणजे मिनी लॉकडाउनची तयारी असल्याची चर्चा अनेक दिवसांपासून आहे. मात्र बाजारपेठा व उद्योग पुन्हा पूर्णपणे बंद करण्यास अरविंद केजरीवाल सरकार अनुकूल नाही.
कोठे किती संक्रमित
Edited By - Prashant Patil
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.