शेजारील देश चीनमध्ये कोरोनाचा (China Corona) स्फोट होण्याचा धोका असतानाच भारतातही संसर्ग पसरण्याचा धोका निर्माण झालाय. इथं आरोग्य विभागानं (Health Department) आधीच एक अॅडव्हायझरी जारी करून लोकांना खबरदारी घेण्याचा सल्ला दिलाय.

आता संसर्गाच्या वाढत्या धोक्याच्या पार्श्वभूमीवर पंतप्रधान नरेंद्र मोदी (Narendra Modi) यांनी आज दुपारी उच्चस्तरीय बैठक बोलावलीये. यादरम्यान कोरोना आणि संबंधित बाबींवर चर्चा केली जाणार आहे. या बैठकीत गृहमंत्री अमित शहा देखील सहभागी होणार आहेत.

या बैठकीला आरोग्यमंत्री आणि मंत्रालयातील इतर वरिष्ठ अधिकारी उपस्थित राहणार असल्याचं सांगण्यात येत आहे. देशात Omicron च्या BF.7 सब-व्हेरियंटच्या चार प्रकरणांची पुष्टी झाल्यानंतर पंतप्रधानांनी ही बैठक बोलावलीये. संसर्गाच्या या प्रकारामुळं चीनमधील परिस्थिती अधिकच बिकट होत चाललीये.