देश

Video :...आणि प्रियांका गांधी रस्त्यावरच बसल्या !

वृत्तसंस्था

लखनौ : जमिनीच्या वादातून दहा जणांची क्रूर हत्या झालेल्या सोनभद्रकडे जाण्यासाठी निघालेल्या प्रियांका गांधी यांना पोलिसांनी शुक्रवारी अडवले आणि ताब्यात घेतले. 

पोलिसांनी सोनभद्रकडे जाताना अडवल्यावर कॉंग्रेसच्या सरचिटणीस प्रियांका गांधी यांनी मिर्झापूर येथे चक्क रस्त्यावरच बसून आंदोलन सुरू केले. त्यावेळी त्यांच्याभोवती सुरक्षा रक्षकांनी आणि कॉंग्रेस कार्यकर्त्यांनी कडे केले. 

त्यानंतर पोलिसांनी प्रियांका गांधी यांना ताब्यात घेऊन त्यांची रवानगी एका गेस्ट हाऊसवर केली. आपल्याला कोणत्या कायद्या नुसार अडवले आहे? असा प्रश्‍न प्रियांका गांधी यांनी पोलिसांना केला. 

प्रियांका गांधी उत्तर प्रदेशच्या पूर्व विभागाच्या प्रभारी आहेत. उत्तर प्रदेशातील सोनभद्र गावात जमिनीच्या वादातून दहा जणांची गोळ्या घालून निर्घृण हत्या करण्यात आली होती. या हल्ल्यात जखमी झालेल्या 24 रुग्णांना वाराणसी येथील रुग्णालयात उपचारार्थ दाखल करण्यात आलेले आहे. 

प्रियांका गांधी शुक्रवारी सकाळ विमानाने वाराणसीत दाखल झाल्या. त्यांनी रुग्णालयात जाऊन सोनभद्र हत्याकांडातील जखमींची भेट घेतली आणि जखमींची विचारपूस केली. वारणसीहून 80 किलोमीटर अंतरावर असलेल्या सोनभद्र गावाला भेट देण्यासाठी त्या सकाळी दहाच्या सुमारास निघाल्या. पोलिसांनी प्रियांका गांधी यांचा वाहनाचा ताफा रस्त्यातच अडवला. 

मिर्झापूरजवळ रस्त्यावरच धरणे आंदोलन सुरू केले. तेव्हा पोलिसांनी त्यांना काही वेळाने ताब्यात घेतले आणि एका गेस्ट हाऊसमध्ये त्यांना नेऊन ठेवले. प्रियांका गांधी यांनी पत्रकारांशी बोलताना सांगितले, "मी सोनभद्र येथे जाऊन तेथील लोकांना भेटणारच आहे. त्याशिवाय मी येथून परत जाणार नाही.'' 

राहुल गांधी यांनी प्रियांका गांधींना पोलिसांनी ज्या पद्धतीने ताब्यात घेतले त्याबद्दल ट्विटरवर तीव्र नाराजी व्यक्त केली आहे. तसेच, उत्तर प्रदेश पोलिसांनी प्रियांका गांधी यांना अटक केल्या मुळे संपूर्ण देशात काँग्रेस पक्षाकडून तीव्र  निषेध होत असताना अमरावती काँग्रेस कमिटीच्या वतीने इर्विन चौकात भाजप सरकार विरोधी घोषणा देत तीव्र शब्दामध्ये  निषेध केला.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

IND vs NZ, 1st Test: रिषभ पंतचा सिक्स अन् शतक! एका झटक्यात ५ रेकॉर्ड्सची नोंद, दिग्गजांच्या यादीत दणक्यात एन्ट्री

Yuzvendra Chahal: क्रिकेटर युझवेंद्र चहलची भाजपमध्ये एन्ट्री; ओबीसी मोर्चाच्या राष्ट्रीय टीममध्ये मिळाली मोठी जबाबदारी

Pune News : बिल्डरांसाठी शहरातील ४७ नाले वळविले; महापालिका सभागृहात प्रशासनाची माहिती

Ambad Accident : दुचाकी चालक युवक विजेच्या पोलला धडकल्याने अपघातात जागीच ठार: परीक्षेचा पेपर देऊन तीर्थपुरीला जाताना घडली घटना

Beed Crime : ५१.९० लाखांचे तेल परस्पर विकून रचला अपघाताचा बनाव; टँकर चालकाविरुद्ध गुन्हा दाखल

SCROLL FOR NEXT