नवी दिल्ली - देशांतर्गत भाववाढीमुळे कांदा निर्यातबंदीचा निर्णय घेणाऱ्या केंद्र सरकारने आता भडकलेल्या दर नियंत्रित करण्यासाठी कांदा आयातीला प्रोत्साहन देण्याचा निर्णय घेतला आहे. यासाठी १५ डिसेंबरपर्यंत आयातीचे निकषही शिथिल केले असून केंद्राच्या बफर साठ्यामधील कांदाही खुल्या बाजारात आणला जाणार आहे. 

देशभरातील इतर बातम्या वाचण्यासाठी येथे क्लिक करा

अन्न व नागरी पुरवठा मंत्रालयाने निवेदन जारी करून ही माहिती दिली. कांद्याचे दर कडाडले असून खुल्या बाजारात कांदा ७० ते ७५ रुपये किलोपर्यंत पोहोचला आहे. तर सरकारी दरपत्रकानुसार ५१.९५ रुपये किलो कांद्याचे दर झाले आहेत. मागील दहा दिवसात ११.५० रुपयांनी दरवाढ झाली आहे. ऑगस्ट अखेरपासून कांद्याची दरवाढ सुरू झाली. या पार्श्वभूमीवर कांदा आयातीला प्रोत्साहन देण्याचा निर्णय घेतला आहे. 

जगभरातील इतर बातम्या वाचण्यासाठी येथे क्लिक करा