चेन्नई : जेव्हा पंतप्रधान येथे येतात आणि ते इतर विचार तामिळनाडूतील लोकांवर लादण्याचा प्रयत्न करतात, तेव्हा त्यांना समजत नाही की तामिळनाडू (Tamil Nadu) हे केवळ दोन शब्द नाहीत, तर त्यास तीन हजार वर्ष जुना इतिहास आहे, अशी टीका काँग्रेस नेते राहुल गांधी यांनी नरेंद्र मोदी (Narendra Modi) यांच्यावर केली आहे. चेन्नईत आज सोमवारी (ता.२८) एका कार्यक्रमात ते बोलत होते. राहुल गांधी (Rahul Gandhi) पुढे म्हणाले, की मोदी राज्याचा आणि आपल्या देशाचा अपमान करतात. आज जम्मू आणि काश्मीरच्या लोक राज्यकर्ते नाहीत.(Rahul Gandhi Attack On PM Narendra Modi Over Plight Of Nation)

मात्र त्यांच्यावर उत्तर प्रदेश व गुजरातचे नोकरशाहा राज्य करित आहेत. त्यांनी वेगवेगळ्या पातळीवर १०० किलोमीटर जमीन पंजाबकडून घेऊन सीमा सुरक्षा दलाला देण्यात आली आहे. आमची दृष्टी विविधतेत एकतेत असून त्यांची व्यक्तीनुसार आहे, असा हल्लाबोल त्यांनी मोदींवर केला.