नवी दिल्ली : नॅशनल हेराल्ड प्रकरणात सध्या काँग्रेस नेते राहुल गांधी (Rahul Gandhi) यांची चौकशी चालू आहे. यामुळे काँग्रेसकडून देशभरात जोरदार निदर्शने चालू आहेत. ईडीविरोधात केले जात असलेल्या निदर्शनावेळी महिला काँग्रेसच्या अध्यक्षा नेट्टा डिसोझा (Netta D'Souza) या पोलीस कर्मचाऱ्यांवर थुंकल्या आहेत. यावेळी काँग्रेसचे कार्यकर्तेही उपस्थित होते.
(Netta D'Souza Spits on Police)
सध्या काँग्रेसचे नेते राहुल गांधी यांची ईडीकडून चौकशी सुरू आहे. त्यांच्यावर नॅशनल हेराल्ड प्रकरणात आरोप केले आहेत. त्यामुळे त्यांचे समर्थक आक्रमक झाले आहेत. देशभर काँग्रेसकडून आंदोलने आणि निदर्शने केले जात आहेत. तर पोलिसांकडून त्यांना रोखण्यात येत आहे. या आंदोलनात काँग्रेसचे नेतेही उपस्थित आहेत. दरम्यान यावेळी महिला काँग्रेसच्या अध्यक्षा नेट्टा डिसोझा या पोलीस कर्मचाऱ्यांवर थुंकल्या आहेत.
दरम्यान राहुल गांधी यांची मनी लॉन्डरिंग प्रकरणात चौकशी सुरू आहे. त्यांची ईडीकडून पाच दिवसात तब्बल ५० तास चौकशी करण्यात आली आहे. आज त्यांच्या चौकशीचा पाचवा दिवस असून ते ईडी कार्यालयातून बाहेर पडले आहेत.
राहुल गांधी यांची ईडीने मागच्या आठवड्यात सोमवार, मंगळवार आणि बुधवारी चौकशी केली होती. यावेळी मनी लाँडरिंग प्रतिबंधक कायद्यांतर्गत (पीएमएलए) त्यांचे जबाब नोंदवण्यात आले होते. शुक्रवारी ते पुन्हा तपास यंत्रणेसमोर हजर होणार होते. परंतु, आई सोनिया गांधी यांच्या प्रकृती अस्वास्थ्यामुळे शुक्रवारी होणाऱ्या चौकशीतून वगळण्यासाठी ईडीच्या तपास अधिकाऱ्यांना पत्र लिहिले होते. ईडीने त्याची विनंती मान्य करून सोमवारी हजर राहण्यास सांगितले होते. त्यानंतर त्यांची चौकशी करण्यात आली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.