देशभरात पाच राज्यांमध्ये निवडणुका जाहीर झाल्या आहेत. यामध्ये प्रामुख्याने उत्तरेकडील राज्यांचा समावेश आहे. एकीकडे मणिपूर तर दुसरीकडे उत्तराखंड, पंजाब, उत्तर प्रदेश आणि गोवा या राज्यांचा समावेश आहे. पश्चिम बंगालच्या मुख्यमंत्री ममता बॅनर्जी यांनी यावेळी गोव्यात कंबर कसली आहे. मात्र या दरम्यान, पश्चिम बंगालमध्ये सहा बॉम्ब सापडले आहेत.

मुर्शिदाबाद जिल्ह्यातील कांडी उपविभागात सहा बॉम्ब जप्त करण्यात आले आहेत. हा प्रभाग सालार पोलीस स्टेशनच्या अंतर्गत येतो. याप्रकरणानंतर सर्वत्र खळबळ माजली होती. पोलिसांनी घटनास्थळी दाखल होत परिस्थितीचा अंदाज घेतला.

यानंतर बॉम्बनिकामी पथकाने ते निकामी केले. एवढ्या मोठ्या प्रमाणात बॉम्ब सापडल्याने पोलिसांनी वेगाने तपासाची चक्र फिरवली. आरोपी अनरुल शेख याला अटक करण्यात आली आहे: मुर्शिदाबाद जिल्हा पोलीस बॉम्ब निकामी पथक घटनास्थळी दाखल झाल्यानंतर अनेक बघ्यांची गर्दीही उसळली होती.