दिल्लीत कर्तव्यावर असताना एका एसयूव्हीने पोलीस कॉन्स्टेबल उडवले. यामुळे कॉन्स्टेबल चक्क हवेत फेकल्या गेला. ही घटना 24 ऑक्टोबर रोजी पहाटे 1 वाजता घडली होती, ज्याचा व्हिडिओ आता सोशल मीडियावर मोठ्या प्रमाणात व्हायरल होत आहे.

व्हिडिओमध्ये, कॉन्स्टेबल कॅनॉट प्लेस परिसरात तपासणी सुरू असताना एका कारच्या बाजूला उभा असतो. यावेळी वेगवान एसयूव्ही येते आणि कॉन्स्टेबल उडवते.

या कॉन्स्टेबलला नंतर रुग्णालयात दाखल करण्यात आले जेथे त्याच्या दुखापतींवर उपचार करण्यात आले आणि नंतर त्याला डिस्चार्ज देण्यात आला. दरम्यान, घटनास्थळी उपस्थित असलेल्या अन्य कर्मचाऱ्यांनी पाठलाग केल्यानंतर एसयूव्हीच्या चालकाला अटक करण्यात आली आहे.