श्रीनगर : जम्मू-काश्मीरातून कलम 370 काही दिवसांपूर्वी रद्द करण्यात आले. त्यानंतर आता श्रीनगरच्या सचिवालयावर असलेला तिरंगा फडकाविण्यात आला आहे. आता जम्मू-काश्मीरचा राष्ट्रीय ध्वज म्हणून भारताचा तिरंगाच असणार आहे. 

जम्मू-काश्मीरला यापूर्वी स्वतंत्र राज्याचा दर्जा होता. त्यामुळे या राज्यात तिरंग्याशिवाय आणखी एक ध्वज फडकत असे. मात्र, पंतप्रधान नरेंद्र मोदी यांच्या सरकारने जम्मू-काश्मीरातील कलम 370 रद्द केल्यानंतर आता सर्वच सरकारी कार्यालयांवर तिरंगा लावण्यात आला आहे.

दरम्यान, मागील आठवड्यात विविध सरकारी कार्यालयात दोन झेंडे फडकविण्यात आले होते. आता एकच झेंडा फडकाविण्यात येणार आहे, अशी माहिती अधिकाऱ्याने एका वृत्तवाहिनीशी बोलताना दिली.