हिजाब (Hijab) घालू देण्याच्या मागणीसाठी कर्नाटक उच्च न्यायालयात (High Court of Karnataka) याचिका दाखल करण्यात आली होती. कर्नाटक उच्च न्यायालयाच्या (Karnataka High court) एकल खंडपीठाने महाविद्यालयांमध्ये हिजाब घालण्याच्या बंदीला आव्हान देणाऱ्या याचिका मोठ्या खंडपीठासमोर पाठवल्या. यावर सर्वोच्च न्यायालयाने (Supreme court) दाखल करण्यात आलेल्या याचिकांची तातडीने यादी करण्यास नकार दिलाय.

कर्नाटकातील (Karnataka) उडुपी जिल्ह्यातील एका महाविद्यालयात मुस्लिम मुलीनी हिजाब (Hijab) घालू देण्याच्या मागणीसाठी आंदोलन केले होते. हिजाब परीधान करून वर्गात प्रवेश दिला जात नसल्याचा आरोप या मुस्लीम विद्यार्थिनींनी केला होता त्यानंतर हा वाद चांगलाच चिघळला.

या प्रकरणावर काही दिवसापुर्वी कर्नाटकचे शिक्षणमंत्री बीसी नागेश (BC Nagesh) यांनी प्रतिक्रिया दिली होती. शाळा आणि महाविद्यालये धर्म पाळण्याची जागा नाही. हिजाब घालणे हे अनुशासनहीनता असल्याचे बी.सी. नागेश यांनी सांगितले होते. विधानसभा निवडणुकीपूर्वी या मुद्दयावरून राजकारण करण्याचा हा प्रकार असल्याचेही बीसी नागेश यांनी बोलून दाखवले होते तर मुस्लिम विद्यार्थिनींनी मात्र याचा राजकारणाशी कोणताही संबंध नसल्याचे सांगितले होते.