लखनऊ : उत्तरप्रदेशमध्ये एका शाळेतील शिक्षिकेचा व्हिडिओ व्हायरल होत आहे. पुराच्या पाण्यातून सदर शिक्षिका येत असताना विद्यार्थ्यांनी ठेवलेल्या प्लास्टिक खुर्च्याचा वापर करताना दिसत आहे तर विद्यार्थी पावसात भिजताना दिसत आहेत. हा व्हिडिओ सध्या व्हायरल होत असून यानंतर सदर शिक्षिकेवर कारवाई करण्यात आली आहे.
उत्तरप्रदेशमधील एका शाळेतील विद्यार्थ्यांनी ठेवलेल्या प्लास्टिकच्या खुर्च्यांवर चढून पूरग्रस्त शाळेत प्रवेश केल्याचा व्हिडिओ सोशल मीडियावर व्हायरल होत आहे. सदर शिक्षिकेला निलंबित करण्यात आलं असल्याचं मीडिया रिपोर्ट्समध्ये म्हटले आहे. दरम्यान, व्हायरल व्हिडीओमध्ये शाळेतील मुले पाण्यातून फिरताना दिसत आहे आणि त्यांनी शिक्षिकेला चालण्यासाठी प्लास्टिकच्या खुर्च्या लावल्या आहेत. शिक्षिका मुलांनी ठेवलेल्या या खुर्च्यावरून येत कोरड्या जागेवर पोहोचताना दिसत आहे.
हा व्हिडिओ व्हायरल झाल्यानंतर संताप व्यक्त केला जात असून मुलं भिजत आहेत पण शिक्षिका पाण्यातून येण्यासाठी खुर्च्याचा वापर करते अशा टीका करण्यात येत आहेत. त्यानंतर या शिक्षिकेवर कारवाई करण्यात आली आहे. असाच मध्यप्रदेशमधील शाळेतील एक व्हिडिओ व्हायरल होत असून शाळेत छत गळत असल्यामुळे विद्यार्थ्यांना छत्र्या घेऊन अभ्यास करावा लागत असल्याचं या व्हिडिओमध्ये होतं. त्यानंतर या प्रकारावरही नेटकऱ्यांनी जोरदार टीका केली होती.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.