बंगळूर - काँग्रेस आणि जेडीएसमधून भाजपमध्ये प्रवेश केलेल्या व पोटनिवडणुकीत विजयी झालेल्या १० आमदारांचा गुरुवारी मंत्रिमंडळात समावेश करण्यात आला. राजभवनात झालेल्या शपथग्रहण समारंभात राज्यपाल वजूभाई वाला यांनी त्यांना अधिकार व गोपनीयतेची शपथ दिली. मात्र, मंत्रिपदाची अपेक्षा बाळगून असलेल्या मूळ भाजप आमदारांना धक्का दिल्याने त्यांची घोर निराशा झाली.
दहा नवीन मंत्र्यांमध्ये रमेश जारकीहोळी (गोकक), भैरती बसवराज (केआर पुरम), बी. सी. पाटील (हिरेकरूर), एस. टी. सोमशेखर (यशवंतपूर), आनंद बी. सिंह (विजयनगर), शिवराम हेब्बार (यल्लापूर), के. सुधाकर (चिक्कबळ्ळापूर), नारायणागौडा (कृष्णराजपेट), श्रीमंत पाटील (कागवाड) आणि के. गोपालय्या (महालक्ष्मी लेआउट) यांचा समावेश आहे. मंत्रिमंडळात नूतन १० मंत्री सामील झाले; परंतु काँग्रेसचे आणखी एक बंडखोर आमदार महेश कुमठळ्ळी यांना वगळण्यात आले, त्यामुळे त्यांनी नाराजी व्यक्त केली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.