नवी दिल्ली : पैशाच्या बदल्यात संसदेत प्रश्न विचारल्याच्या प्रकरणात खासदारकी गमवाव्या लागलेल्या तृणमूल काँग्रेसच्या नेत्या महुआ मोईत्रा यांच्याविरोधात सीबीआयकडून लवकरच गुन्हा दाखल केला जाऊ शकतो, अशी माहिती गुरुवारी सूत्रांनी दिली. यासंदर्भात सीबीआयने लोकसभा सचिवालयाकडून शिस्तपालन समितीचा अहवाल मागविला आहे.
शिस्तपालन समितीने मोईत्रा यांच्यावरील आरोप सिद्ध झाल्याचे सांगत त्यांची खासदारकी रद्द करण्याची शिफारस केली होती. त्यानुसार लोकसभा अध्यक्ष ओम बिर्ला यांनी मोईत्रा यांची खासदारकी रद्द केली होती. या निर्णयाविरोधात मोईत्रा यांनी सर्वोच्च न्यायालयात आव्हान दिले आहे. या प्रकरणावर पुढील महिन्यात सुनावणी होणार आहे.
तथापि सीबीआयकडून गुन्हा दाखल झाला तर मोईत्रा यांच्या अडचणींत वाढ होणार आहे. भ्रष्टाचार प्रतिबंधक कायद्याच्या कलम १७ ए नुसार लोकसभा सचिवालयाने आवश्यक ती परवानगी घेऊन शिस्तपालन समितीचा अहवाल सीबीआयला सुपूर्त केला तर लोकपालाच्या मंजुरीशिवाय सीबीआय मोईत्रा यांच्याविरोधात गुन्हा दाखल करू शकते.
महुआ मोईत्रा यांच्याविरोधातील शिस्तपालन समितीचा अहवाल ८ डिसेंबर २०२३ रोजी लोकसभेच्या पटलावर ठेवण्यात आला होता. त्यानंतर सदनात चर्चा होऊन मोईत्रा यांची खासदारकी रद्द करण्यात आली होती. तिकडे मोईत्रा यांनी कोणत्याही पुराव्याशिवाय कारवाई करण्यात आल्याचा आरोप केला होता.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.