लखनौ - विभाग पंचायत प्रमुखांच्या निवडणुकीदरम्यान भाजप कार्यकर्त्यांनी थोबाडीत मारल्याचा दावा कनिष्ठ पोलिस अधिकाऱ्याने केला आहे. तसे तो वरिष्ठांना दूरध्वनीवरून सांगत असल्याचा व्हिडिओ व्हायरल झाली आहे. चित्रफितीनुसार इटावाचे अतिरिक्त पोलिस अधीक्षक प्रशांतकुमार प्रसाद यांच्या बाबतीत जिल्ह्यातील बढपुरा विभागात हा प्रकार घडल्याचे कळते. यास जिल्हा पोलिस प्रवक्त्याने दुजोरा दिला. याप्रकरणी एका ज्ञात काही अज्ञात व्यक्तींविरुद्ध गुन्हा दाखल करण्यात आला.
शनिवारी अशा ४७६ पदांसाठी निवडणुका झाल्या. त्यावेळी १७ जिल्ह्यांतून निवडणूक हिंसाचाराच्या काही बातम्या आल्या. प्रतिस्पर्धी कार्यकर्त्यांच्यात तसेच पोलिस आणि कार्यकर्त्यांच्यात मारामारी झाल्याचे अनेक व्हिडिओ सोशल मिडियावर टाकण्यात आले. दगडफेक आणि जमावाला पांगवण्यासाठी पोलिसांना लाठीमार करावा लागण्याचे प्रकार अनेक ठिकाणी घडले. काही ठिकाणी पोलिस कर्मचारी जखमी झाले.
भाजपची सरशी
विभाग पंचायत प्रमुखांच्या ८२५ पैकी ६३५ जागांवर विजय मिळाल्याचा दावा भाजपकडून करण्यात आला. पुढील वर्षी होणाऱ्या विधानसभा निवडणूकीच्यादृष्टिने हे निकाल महत्त्वाचे मानले जात आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.