रामपूरः डुंगरपूर प्रकरणात जेलमध्ये असलेल्या आझम खान याला एमपी-एमएलए कोर्टाने गुरुवारी दहा वर्षांची शिक्षा सुनावली आहे. सोबतच कोर्टाने त्याला १४ लाखांचा दंड ठोठावला आहे. कोर्टाने त्याला बुधवारी दोषी ठरवलं होतं.
आझम खान याच्यावर डुंगरपूर वस्ती जबरदस्तीने रिकामी करणे, मारहाण करणे, तोडफोड करणे, लुटमार करणे आणि धमकावण्याचा आरोप आहे. हे प्रकरण ६ डिसेंबर २०१६ चं आहे आझम खान याच्यावर या प्रकरणात २०१९ मध्ये केस दाखल झाली होती. रामपूरच्या एमपी-एमएलए सेशन कोर्टात प्रकरणाची सुनावणी सुरु आहे.
कोर्टाने आझम खानला दोषी ठरवून निकाल राखून ठेवला होता. डुंगरपूर प्रकरणात गुरुवारी स्पेशल कोर्टाचे न्यायाधीश डॉ. विजय कुमार यांनी शिक्षेचा निर्णय दिला. आझम खान सध्या सीतापूर जेलमध्ये आहे. जेलमधून व्हिडीओ कॉन्फरन्सिंगच्या माध्यमातून त्याची पेशी झाली.
सरकारी वकील शिव प्रकाश पांडे म्हणाले, 'जबरदस्तीने घर रिकामे करून ते पाडण्याच्या प्रकरणात रामपूरच्या विशेष कोर्टाने सपा नेते आझम खान यांना 10 वर्षांची शिक्षा सुनावली आहे आणि 14 लाख रुपयांचा दंडही ठोठावला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.