नवी दिल्ली : आजकाल सोशल मीडियावर (Social Media) लोकं काय पोस्ट करतील याचा नेम नाही. आणि तीच पोस्ट व्हायरल व्हायला क्षणाचाही वेळ लागत नाही. कारण सोशल मीडियाचे जसे फायदे आहेत तसे तोटेही अनेक आहेत. एखाद्या गोष्टीला त्वरित प्रसिध्दी द्यायची असेल तर लोकं आता सोशल मिडियाला जास्त महत्व देतात. असाच एक दुर्दैवी प्रकार एका आमदाराबाबत घडला आहे. त्यामुळे आता या प्रकरणाची मोठी चर्चा होत आहे. काय घडले नेमके वाचा...

ती बातमी चक्क एका जिवंत आमदाराबाबत...

सोशल मीडियाच्या प्रसिध्दीचा परिणाम एका आमदाराला सहन करावा लागतोय. एका निधनाची खोटी बातमी (wrong news of MLA death) चक्क सोशल मीडियावर पसरली. आणि ती बातमी चक्क एका जिवंत आमदाराबाबत होती. बिहारमधील विद्यमान आमदार मुसाफिर पासवान (MLA Musafir Paswan) यांच्या मृत्यूच्या खोट्या बातम्या सोशल मीडियाद्वारे प्रसारित झाल्यानंतर 'अरे अजून मी जिवंत आहे' असा खुलासा त्यांना सोशल मीडियाद्वारे केला आहे. जेव्हा त्यांच्या निधनाची बातमी पसरली तेव्हा त्यांच्या निकटवर्तीयांनी त्यांच्या कुटुंबीयांना शोक संवेदनांचे फोन करायला सुरूवात केली. या बातम्या तेव्हा आल्या जेव्हा ते मागील काही काळापासून ते सातत्याने आजारी होते. आणि एका रूग्णालयात उपचार घेत होते. त्यामुळे लोकांचा गैरसमज झाला असावा असे सांगण्यात येत आहे. त्यानंतर अचानक त्यांच्या सोशल मीडियावर त्यांच्या मृत्यूच्या बातम्यांनी सर्वांनाच आश्चर्याचा धक्का बसला.

'अजून मी जिवंत आहे.

निधनाची बातमी कळताच लोकांनी थेट त्यांच्या वैयक्तीक फोनवर कॉल करायला सुरूवात केल्यानंतर त्यांना आश्चर्याचा धक्काच बसला. त्यामुळे त्यांनी तातडीने आपल्या समर्थकांना कळण्यासाठी सोशल मीडियावरून ''अजून मी जिवंत आहे. त्यामुळे खोट्या बातम्या पसरवणे थांबवा,'' असं आवाहन केले.