नवी दिल्ली : वक्फ बोर्डासंबंधीच्या संयुक्त संसदीय समितीच्या अर्थात जेपीसीच्या बैठकीत आज जोरदार खडाजंगी पाहायला मिळली. यावेळी भाजपच्या खासदार मेधा कुलकर्णी आणि आपचे खासदार संजय सिंह यांच्यात वाद झाला. यावेळी कुलकर्णी सिंह यांच्यावर संतापल्या. तसंच त्यांनी जाहीर माफी मागावी अशी मागणीही केली.

जेपीसीच्या बैठकीत नेमकं काय घडलं?

वक्फ बोर्ड सुधारणा विधेयकासंदर्भात नेमण्यात आलेल्या JPCच्या बैठकीत चांगलीच खडाजंगी झाली. मेधा कुलकर्णी यांच्या प्रश्नावर संजय सिंह यांनी केलेल्या टिप्पणीनं मेधा कुलकर्णी यांचा संताप झाला. एखादा खासदार बैठकीत अशी आक्षेपार्ह टिप्पणी कशी काय करु शकतो? असा सवाल यावेळी मेधा कुलकर्णी यांनी केला.

या प्रकारानंतर संजय सिंह यांनी दुपारच्या जेवणाच्या सुट्टीत मेधा कुलकर्णी यांच्याकडं याप्रकरणी दिलगिरी व्यक्त केली. पण समितीतील सगळ्या सदस्यांसमोर संजय सिंह यांनी माफी मागावी असा आग्रह मेधा कुलकर्णी यांनी धरला.

दरम्यान, संजय सिंह जाहीररित्या माफी मागणार का? हे पाहणं महत्वाचं ठरणार आहे.