अहमदाबादः मधूचंद्राच्या रात्री पत्नीने शरीर संबंधास नकार दिल्याने पतीने पत्नीला मारहाण केल्याची घटना घडली आहे. याप्रकरणी पत्नीने पतीच्या विरोधात तक्रार दाखल केली आहे, अशी माहिती पोलिसांनी दिली.

पोलिसांनी दिलेल्या माहितीनुसार, पत्नी प्रियांका तिवारी हिने पती धर्मेंद्र शर्मा विरोधात कृष्णनगर पोलिस स्टेशनमध्ये तक्रार दाखल केली आहे. प्रियांकाने तक्रारीत म्हटले आहे की, 'विवाह झाल्यानंतर विधी व स्वागत समारंभ मोठ्या उत्साहात झाला. दिवसभरातील विविध विधींमुळे थकले होते. झोपण्यासाठी रात्री खोलीमध्ये गेले होते. पती धर्मेंद्र सतत शरीर संबंधाची मागणी करत होते. परंतु, आज मी खूप थकल्याचे त्यांना सांगत होते. पती चिडले व शिवीगाळ करत मला मारहाण करण्यास सुरवात केली. शिवाय, माझे बाहेर प्रेमसंबंध असल्याचा आरोपही पतीने केला. पहिल्या दिवशी झालेल्या भांडणामुळे तणाव निर्माण झाला होता. यामुळे माझी मानसिक स्थिती चांगली नव्हती. दुसऱ्या दिवशीही पतीने मला मारहाण केली. माझ्या रडण्याचा आवाज ऐकून पहिल्या मजल्यावर असलेले सासरे आणि अन्य नातेवाईक मदतीसाठी धावून आले.

प्रियांकाने घरगुती हिंसाचार कायद्याच्या कलमातंर्गत तक्रार दाखल केली असून, पुढील तपास करत आहोत, अशी माहिती पोलिसांनी दिली.