अहमदाबादची लस निर्मिती करणारी कंपनी झायडस कॅडिलाने कोविडच्या लशींची किंमत उतरवणार असल्याची प्राथमिक माहिती मिळत आहे. सरकारसोबत सततच्या वाटाघाटीनंतर Zydus Cadila ने त्यांच्या लसीची किंमत 265 रुपये प्रति डोसवर आणण्यास सहमती दर्शवली आहे. मात्र, अद्याप अंतिम करार होणे बाकी आहे.

ही लस घेण्यासाठी इंजेक्शन सिरिंजची आवश्यकता नसते. मात्र, प्रत्येक डोससाठी 93 रुपये किंमतीचे डिस्पोजेबल पेनलेस जेट अॅप्लिकेटर आवश्यक आहे. ज्याची किंमत प्रति डोस 358 रुपये होईल.

कॅडिला या फार्मा कंपनीने यापूर्वी तीन डोसची किंमत 1,900 रुपये रुपये प्रस्तावित केली होती, अशी माहिती सूत्रांनी दिली आहे. पण आता कंपनीने प्रत्येक डोसची किंमत 358 रुपयांपर्यंत खाली आणली आहे. सरकारकडून वारंवार वाटाघाटी केल्यानंतर या आठवड्यात या संदर्भात अंतिम निर्णय घेतला जाण्याची शक्यता आहे. पीटीआयने यासंदर्भात माहिती देण्यात आली आहे.