केंद्र सरकारच्या मत्स्यविज्ञान, पशू चिकित्सा व दुग्धोत्पादन मंत्रालयांतर्गत असणाऱ्या दोन विशेष पदवी अभ्यासक्रमांमध्ये प्रवेश देण्यासाठी पात्रताधारक विद्यार्थ्यांकडून प्रवेश अर्ज मागविण्यात येत आहेत.

मत्स्यविज्ञान क्षेत्रातील पदवी अभ्यासक्रम : कालावधी ४ वर्षे

• आवश्यक शैक्षणिक पात्रता - अर्जदारांनी १०+२ शैक्षणिक अभ्यासक्रमांतर्गत बारावीची परीक्षा भौतिक शास्त्र, रसायन शास्त्र व जीवशास्त्र अथवा भौतिक शास्त्र, रसायन शास्त्र व गणित हे विषय घेऊन व कमीत कमी ५० टक्के गुणांसह उत्तीर्ण केलेली असावी. राखीव वर्गगटातील उमेदवारांसाठी गुणांची टक्केवारी शिथिलक्षम आहे.

• विशेष सूचना - जे विद्यार्थी यंदा वरील पात्रता परीक्षेला बसले असतील ते सुद्धा अर्ज करण्यास पात्र आहेत.

• वयोमर्यादा - अर्जदार विद्यार्थी १८ ते २० वर्षे वयोगटातील असावेत. वयोमर्यादेची अट राखीव वर्गगटातील उमेदवारांसाठी सरकारी नियमांनुसार शिथिलक्षम.

• उपलब्ध जागा - अभ्यासक्रमासाठी उपलब्ध जागांची संख्या ४५ असून यापैकी काही जागा सरकारी नियमांनुसार राखीव आहेत.

• निवड प्रक्रिया - अर्जदारांपैकी पात्रताधारक उमेदवारांची निवड परीक्षा २ जुलै २०२२ घेण्यात येऊन त्या आधारे त्यांची अभ्यासक्रमात निवड करण्यात येईल.

• अर्जासह भरावयाचे शुल्क - अर्जदार सर्वसाधारण गटातील असल्यास त्यांनी आपल्या प्रवेश अर्जासह प्रवेश शुल्क म्हणून ५०० रुपये (राखीव वर्गगटातील उमेदवारांसाठी २५० रुपये) संगणकीय पद्धतीने bharatkosh.gov.in या संकेतस्थळावर भरणे आवश्यक आहे.

नौकानयन/मरिन फिटर विषयांतील अभ्यासक्रम : कालावधी २ वर्षे

• आवश्यक शैक्षणिक पात्रता - अर्जदारांनी दहावीची परीक्षा कमीतकमी ४० टक्के गुणांसह उत्तीर्ण केलेली असावी. अथवा ते या पात्रता परीक्षेला बसलेले असावेत.

• उपलब्ध जागा - वरील अभ्यासक्रमासाठी एकूण जागांची संख्या ४० असून यापैकी काही जागा मच्छीमार समाजातील विद्यार्थ्यांसाठी राखीव आहेत.

• निवड प्रक्रिया - अर्जदारांपैकी पात्रताधारक उमेदवारांची लेखी निवड परीक्षा १६ जुलै २०२२ रोजी घेण्यात येऊन त्या आधारे त्यांना संबंधित अभ्यासक्रमात प्रवेश देण्यात येईल.

• अर्जांसह भरावयाचे शुल्क - अर्जासह भरावयाचे शुल्क म्हणून सर्वसाधारण गटाच्या उमेदवारांनी ३०० रुपये (राखीव गटातील उमेदवारांसाठी १५० रुपये) संगणक पद्धतीने bharatkosh.gov.in या संकेतस्थळावर भरणे आवश्यक.

• अधिक माहिती व तपशील - वरील अभ्यासक्रमांच्या संदर्भात अधिक माहिती व तपशिलासाठी एम्लॉयमेंट न्यूज अथवा रोजगार समाचार च्या १४ ते २० मे २०२२ च्या अंकात प्रकाशित झालेली जाहिरात पहावी.

• अर्ज करण्याची पद्धत व शेवटची तारीख - संपूर्णपणे भरलेले व आवश्यक तो तपशील तसेच कागदपत्रांसह असणारे प्रवेश अर्ज दि डायरेक्टर, सेंट्रल इन्स्टिट्यूट ऑफ फिशरीज नॉटिकल इंजिनिअरिंग ट्रेनिंग, फाइन आर्ट्स ॲव्हेन्यू, कोचिन ६८२०१६ या पत्यावर पाठविण्याची शेवटची तारीख २० जून आहे.