राष्ट्रीय इलेक्‍ट्रॉनिक व माहिती-तंत्रज्ञान संस्था, हरिद्वार येथे उपलब्ध असणाऱ्या खालील विशेष अभ्यासक्रमांसाठी खाली नमूद केल्याप्रमाणे पात्रताधारक उमेदवारांकडून प्रवेश अर्ज मागविण्यात येत आहेत.

ॲडव्हान्स्ड डिप्लोमा इन कॉम्प्युटर ॲप्लिकेशन अकाउंटिंग अँड पब्लिशिंग

• अभ्यासक्रमाचा कालावधी : ५ महिने

• आवश्‍यक शैक्षणिक पात्रता : अर्जदारांनी १०+२ अभ्यासक्रमांतर्गत बारावीची परीक्षा उत्तीर्ण असावी.

सर्टिफिकेशन कोर्स इन डेटा एंट्री अँड ऑफिस ऑटोमेशन

• अभ्यासक्रमाचा कालावधी : ४ महिने

• आवश्‍यक शैक्षणिक पात्रता : अर्जदारांनी १०+२ शैक्षणिक अभ्यासक्रमांतर्गत बारावीची परीक्षा उत्तीर्ण केलेली असावी अथवा ते दहावीनंतर औद्योगिक प्रशिक्षण संस्थेचे पात्रताधारक असावेत व त्यांच्या गुणांची टक्केवारी कमीत कमी ५० टक्के असावी.

• उपलब्ध जागांची संख्या : वरील दोन्ही उपलब्ध अभ्यासक्रमांसाठी उपलब्ध जागांची संख्या प्रत्येकी ३० असून, त्यापैकी २० जागा राखीव गटातील उमेदवारांसाठी आहेत.

• निवड प्रक्रिया : अर्जदारांपैकी पात्रताधारक उमेदवारांनी ‘प्रथम आलेल्यास प्रथम’ या आधारे संबंधित अभ्यासक्रमासाठी निवड करण्यात येऊन त्यानुसार त्यांना प्रवेश देण्यात येईल.

• उपलब्ध रोजगार संधी : वरील अभ्यासक्रम यशस्वीपणे उत्तीर्ण होणाऱ्या विद्यार्थ्यांना संबंधित विषयातील प्रमाणपत्र देण्यात येईल.

• संगणकीय कार्यपद्धती व माहिती-तंत्रज्ञानाचा वाढता व्यावसायिक वापर यामुळे वरील पात्रताधारक उमेदवारांना आर्थिक-औद्योगिक वा सेवा क्षेत्राशिवाय बीपीओसारख्या क्षेत्रातही रोजगार संधी उपलब्ध होऊ शकतात.

अधिक माहिती व तपशील : वरील अभ्यासक्रमांच्या संदर्भात अधिक माहिती व तपशिलासाठी ‘एम्प्लॉयमेंट न्यूज’ वा ‘रोजगार समाचार’च्या १४ ते २० मे २०२२ च्या अंकात प्रकाशित झालेली राष्ट्रीय इलेक्‍ट्रॉनिक व माहिती-तंत्रज्ञान संस्था, हरिद्वारची जाहिरात पाहावी अथवा संस्थेच्या https ://nielit.gov.in/ haridwar/content/howtoregister या संकेतस्थळाला भेट द्यावी.

अर्ज करण्याची पद्धत व शेवटची तारीख : संगणकीय पद्धतीने वरील संकेतस्थळावर प्रवेश अर्ज करण्याची तारीख ११ जून २०२२ आहे.