पुणे : कौशल्य व उद्योजकता विकास अभियानांतर्गत जिल्ह्यात विविध क्षेत्रांमधील युवक-युवतींसाठी प्रशिक्षण कार्यक्रम सुरू करण्यात येणार आहेत. प्रशिक्षण हे पूर्णपणे नि:शुल्क असून, प्रशिक्षणानंतर उमेदवारांना प्रमाणपत्रही प्राप्त होणार आहे. कौशल्य विकास प्रशिक्षणांच्या माध्यमातून विविध रोजगार, स्वयंरोजगाराच्या संधी उमेदवारांना उपलब्ध होऊ शकणार आहेत. 

जिल्ह्यातील कौशल्य विकास प्रशिक्षण घेऊ इच्छिणाऱ्या १५ ते ४५ वयोगटातील सुशिक्षित बेरोजगार उमेदवारांना ऑनलाइन नोंदणी करावी लागणार आहे. त्यासाठीची लिंक बातमीच्या शेवटी दिली आहे. तसेच ऑफलाइन नोंदणी आणि योजनेबाबत अधिक माहितीसाठी जिल्हा कौशल्य विकास, रोजगार व उद्योजकता मार्गदर्शन केंद्र, ४८१, रास्ता पेठ, पुणे या पत्त्यावर संपर्क साधावा. 

- कृषी कायद्यांच्या बाजूने RSS उतरणार मैदानात; सोशल मीडियाद्वारे करणार प्रचार​

इच्छुक उमेदवारांनी कौशल्य विकास प्रशिक्षणाकरिता आपले अर्ज सादर करावेत. तसेच, जिल्ह्यातील सर्व शाळा, महाविद्यालये, औद्योगिक प्रशिक्षण संस्था, स्वयंसेवी संस्था, कौशल्य विकास प्रशिक्षण संस्था यांनी कौशल्य विकास प्रशिक्षणाची माहिती उमेदवारांपर्यंत पोचवावी, असे आवाहन जिल्हाधिकारी डॉ. राजेश देशमुख आणि कौशल्य विकास, रोजगार व उद्योजकता विभागाच्या सहायक आयुक्त अनुपमा पवार यांनी केले आहे. 

- ऑनलाईन नोंदणी करण्यासाठी येथे ► क्लिक करा

- पुण्याच्या बातम्या वाचण्यासाठी येथे ► क्लिक करा

(Edited by: Ashish N. Kadam)