MPSC Exam : परीक्षेत होणारा गैरप्रकार रोखण्यासाठी महाराष्ट्र लोकसेवा आयोगाद्वारे परीक्षा केंद्रात सीसीटीव्ही बसण्याचा निर्णय घेण्यात आला आहे आयोगाकडून ट्वीट करत याबद्दलची माहिती दिली आहे. यामूळे एमपीएससी परीक्षा या गैरप्रकार विरहीत होण्यास मदत होणार आहे

आयोगाच्या अधिकृत ट्वीटर हँडलवरून ट्वीट करत सांगण्यात आले आहे की, पोलीस उपनिरीक्षक मर्यादित विभागीय स्पर्धा मुख्य परीक्षा 2021 मध्ये उमेदवारांकडून होऊ शकणारे संभाव्य गैरप्रकार विचारात घेऊन आयोगाकडून सीसीटिव्ही कॅमेरांच्या माध्यमातून कडक देखरेख ठेवण्यात येणार आहे. याव्यतिरिक्त प्रस्तुत परीक्षेनंतर परीक्षेदरम्यानच्या चित्रीकरणाआधारे कोणत्याही प्रकारे गैरप्रकाराचा प्रयत्न करणाऱ्या तसेच परीक्षेकरीता नियुक्त कर्मचारी व आयोगाच्या सूचनांचे उल्लंघन करणाऱ्या उमेदवारांवर उमेदवारी रद्द करण्यासह संबंधित कायद्यातील तरतुदींनुसार फौजदारी कारवाई करण्यात येईल अशी माहिती आयोगाकडून देण्यात आली आहे.

प्रस्तुत परीक्षेनंतर परीक्षेदरम्यानच्या चित्रीकरणाआधारे कोणत्याही प्रकारे गैरप्रकाराचा प्रयत्न करणाऱ्या तसेच परीक्षेकरीता नियुक्त कर्मचारी व आयोगाच्या सूचनांचे उल्लंघन करणाऱ्या उमेदवारांवर उमेदवारी रद्द करण्यासह संबंधित कायद्यातील तरतुदींनुसार फौजदारी कारवाई करण्यात येईल, असे देखील आयोगाने सांगितले आहे. त्यामुळे आता एमपीएससी परीक्षेत होणाऱ्या कोणत्याही गैरप्रकारास आळा बसणार आहे.